هەڵەبجە.. تاجەگوڵینە یەكێتی لەسەر مەزاری شەهیدان دادەنرێت

لێپرسراوی مەڵبەندی شارەزوور لەیادی 32یەمین ساڵەی كیمیابارانكردنی هەڵەبجەدا سەردانی مەزاری شەهیدانی هەڵەبجەی كردو تاجەگوڵینەی داناو پرۆژەیەكی گەورەی تەندروستیشی بەسەركردەوە.

ئەمڕۆ 16ی ئاداری 2020، لەساڵیادی كارەساتی كیمیابارانی هەڵەبجەدا، سەرتیپ عەلی لێپرسراوی مەڵبەندی شارەزووری (ی.ن.ك) سەردانی مەزاری شەهیدانی هەڵەبجەی كردو تاجەگوڵینەی یەكێتیی نیشتمانیی كوردستانیی لەسەر گڵكۆی شەهیدەكان دانا.

دواتر بەیاوەری پارێزگاری هەڵەبجەو بەڕێوەبەری گشتی تەندروستی هەڵەبجە سەردانی ئەو شوێنەی كرد كە بۆ  روبەروبونەوەی كۆرۆنا نەخۆشخانەیەكی  64 قەرەوێڵەیی لەسەر دروست دەكەن. 

سەرتیپ عەلی لێپرسراوی مەڵبەندی شارەزووری یەكێتی رایگەیاند: داوامان لە  بافڵ تاڵەبانی و لاهور شیخ جەنگی هاوسەرۆكانی یەكێتی نیشتمانی كوردستان كرد، بەشداری بكەن لە دروستكردنی بینای نەخۆشخانەكەی هەڵەبجەو دابینكردنی پێداویستییە پزیشكییەكانی نەخۆشخانەی 64 قەرەوێڵەی تایبەت بە كۆرۆنا، بەخۆشحاڵییەوە ئەمڕۆ هاوسەرۆكانی یەكێتی رەزامەندییان دەربڕی كە وەك یەكێتی بەشداربین لەدروستكردنی بیناكەو دابینكردنی پێداویستییەكانی.

لێپرسراوی مەڵبەند  بەناوی مەڵبەندی شارەزوور و سەركردایەتی یەكێتییەوە سوپاسی هەموو ئەو كەسانەشی  كرد كە بەشدارن لەدروستكردنی نەخۆشخانەكەدا، ئاماژەی بەوەشكرد هەموو هەوڵەكانیان بۆ بەهێزكردنی پایەكانی پارێزگا دەخەنەگەڕو هەموو توانایەكی یەكێتی و تیمەكانی یەكێتی لەهەردوو حكومەتی هەرێم و فیدراڵ بۆ خزمەتی شارەكە دەخەینەگەڕ.

PUKmedia تایبەت 

 

 

 

16/3/2020 15:42:00