حاكم قادر كۆمیتەی بازیان بەسەردەكاتەوە

لەچوارچێوەی ئەو گۆڕانكاری و جێگۆڕكێیانەی مەڵبەندی رێكخستنی سلێمانی لەنێو ئۆرگانەكانی یەكێتی و كۆمیتەكان بەڕێوەی دەبات و پاش ئاڵوگۆڕی لێپرسراوی كۆمیتەی بازیان، حاكم قادرحەمەجان ئەندامی دەستەی كارگێڕی مەكتەبی سیاسی و لێپرسراوی مەڵبەندی رێكخستنی سلێمانی هاوڕێ لەگەڵ ژمارەیەك لەجێگری لێپرسراوی مەڵبەند سەردانی بارەگای كۆمیتەیان لەناحیەی بازیان كرد بەمەبەستی پشتیوانی و پشتگیری لەئەركەكانی داهاتوویان.

لەكۆبونەوەیەكدا لەگەڵ ئەندامانی ئەنجومەنی كۆمیتەی بازیان، حاكم قادر وێڕای دەستخۆشی لەبەڕێوەبردنی ئەركەكانیان، باسی لەڕێوشوێنەكانی ئاڵوگۆڕ لەپۆستە ئیداری وحزبیەكان كرد و ئومێدی خواست لەداهاتوودا بەسوود وەرگرتن لەئەزمون و شارەزایی كادیرە پێشكەوتووەكان ئۆرگانەكان پێشكەوتنی زیاتر بەخۆیانەوە ببینن.

هەروەها داوای لەئامادەبووان كرد بۆ سەكەوتن و بەرەوپێشچوون بەهەڵەكانی رابردوودا بچنەوە و بەشێوەیەكی دروستانە هەموو هەوڵەكانیان بخەنە خزمەت هاوڵاتیان و پەیوەندیەكانیان لەگەڵ سەرجەم توێژەكان توندوتۆڵ بكەن.

PUKmedia تایبەت

3.jpg

5.jpg

7.jpg

5/8/2019 10:21:00