Li Cizîrê qarneyên zimanê Kurdî hatin belav kirin

Li navçeya Cizîrê ya Şirnexê ya bakûrê Kurdistanê, 72 xwendekarên li Dibistana Seretayî ya Bêrivanê bi zimanê kurdi ev saleke perwerdehiyê dibînin bi merasîmê qarneyên xwe yên dawiya salê standin.

Di merasîmê de hemû zarok û malbatên wan, Hevşaredara Cizîrê Leyla Îmret, rêveberên Egîtîm Sen, KURDÎ-DER, MAPER, NÇM'ê amade bûn.

Merasîma dayîna qarneyan li Dibistana Bêrivanê pêk hat. Xwendekarên dibistanê bi cil û bergên kurdî li xwe kirin û stran û helbestên bi zimanê kurdi gotin. Piştî stran û helbestan 72 xwendekaran yek bi yek qarneyên xwe ji destê mamosteyên xwe standin. Dema qarne hatin belavkirin malbatên xwendekaran hestiyar bûn.

PUKmedia/DIHA

12/6/2015 12:57:00