2010-07-29    13:43:30 PUKmedia دهوك/ جه‌بار دوسكی
ئه‌ڤرو سپێدی 29-7 ب چاڤدێریا ته‌مه‌ر ره‌مه‌زان پارێزگه‌ری دهوكی و ب ئاماده‌بونا د.فازل عمر سه‌روكی جڤاتا پارێزگه‌ها دهوكی وچه‌ند رێڤه‌به‌رێن فه‌رمانگه‌هێن میری به‌ری بنیاتی بو ئاڤاكرنا نه‌خوشخانه‌كا ده‌رونی ل تاخی نزاری ل دهوكی هاته‌ دانان.
پروژه‌ ل سه‌ر روبه‌ری 5 هزار م2 دی هێته‌ ئاڤاكرن بكوژمی 1 ملیار و 380 ملیون دینارا..
ل دور ئاڤاكرنا نه‌خوشخانی شیروان عبدالواحد سه‌روكی باژێرڤانیا دهوكی بو PUKmedia گوت: ئه‌ڤه‌ هزرا سه‌روكاتیا باژێرڤانیا دهوكی بو، مه‌ ڤیا جهه‌ك بو وان نه‌خوشخێن پارێزگه‌هی بهێته‌ ئاڤاكرن ئه‌وێن توشی ئێشێن ده‌رونی بوین وب سوپاسیڤه‌ پارێزگه‌ری دهوكی پشته‌ڤانیا ڤی هزری كر، پشتی هنگی مه‌ ده‌رگه‌هی ته‌به‌رعی ل به‌رامبه‌ر خێر خازا ڤه‌كر و سوپاسیا وان ژی دكه‌ین گه‌له‌كا پشته‌ڤانیا خو دیاركر وهه‌تا نوكه‌ 204 ملیون دینار هاتینه‌ كومكرن كوژمی ته‌خمینكری ملیاره‌ك و 380 ملیون دینارن ل سه‌ر روبه‌ری 5000م2 دی هێته‌ ئاڤاكرن مه‌ وه‌كو سه‌روكاتیا باژێرڤانیا دهوكی ئه‌رد ته‌رخانكریه‌ وبه‌ری نوكه‌ شه‌نگستێن پروژه‌ی هاتینه‌ كولان وكونكریتكرن ئه‌م ل وی باوه‌ری ینه‌ كو دماوی ساله‌كی دا پروژه‌ ب دوماهی بهێت و بكه‌ڤیته‌ دخزمه‌تا وان نه‌ساخان دایێن توشی ئێشێن ده‌رونی بوین .