Alîkariya ku cîgirê serokwezîrê herêma Kurdistanê Îmad Ehmed ji bo malbatên şehîd û birîndarên teqîna terorîstî ya taxa Şorceyê terxan kiribû, gihêşte bajarê Kerkûkê.

Biryar e ji sibê wate 5’ê tîrmehê ve çekên qerebûkirina koçber û hinartiyan bên dabeşkirin.

Dîwana serokatiya herêma Kurdistanê di daxuyaniyeke nivîskî de ragihand, biryar bû îro cîgirê serokê Amerîkayê Joseph Biden serdana Hewlêra paytexta herêma kurdistanê bike û bi serokê herêma Kurdistanê Mesûd Barzanî re bicive, lê ji ber rewşa hewa û tepûtoza ku dever girtiye nav xwe, nekariye ji Bexdayê derbasî bajarê Hewlêrê bibe.

Îro li bajarê Hewlêrê berpirsê lîjneya parastina mafê rojnamevanan ya sendîkaya rojnamevanên Kurdistanê Zîrek Kemal tevî endamên lîjneyê civîneke çapemeniyê saz kirin û rapora şeş mehên bihûrî ya li ser rewşa rojnamevanan li herêma Kurdistanê pêşkêş kirin. Li gor raporê rewşa rojnamevanan li gor salên bihûrî baştir bûye.

Ji duh ve li piraniya deverên herêma Kurdistanê pêleke tepûtozê dest pê kiriye ku ji başûrê Iraqê ve tê û heta niha jî her ku diçe pêl tarîtir û tîrtir dibe. Ji ber wê yekê jî li bajarên herêma Kurdistanê hejmareke zêde ya welatiyan tûşî tengenefesiyê hatine û li nexweşxaneyan tên razandin.

Şeva bihûrî balafiranên artêşa tirk sînorê herêma Kurdistanê bezandin û çend gundên ser bi nahiyeya dêrelûka qazaya Amdiyê bombebaran kirin.

Rêvebirê kargêrî ya Firokexaya Navdewletî ya Hewlêrê Kawe Ezîz da zanîn, ji ber şepola tepûtozê, geştên esmanî yên wê firokexaneyê heta demeke nediyar hatiye ragirtin.

PUKmedia/2009-07-04/11:15:18
Enstîtuya Kurdî ya Amedê ku demek e li ser pirtûka çîrokan yên ji bo zarokan dixebite wekî setekî çapkir. Set ji 5 pirtûkan pêk tê û ji bo pirtûkan çîrokên ku mijarê cûr bi cûr hatine bijartin û bi boneya betlaneya dibistanan ku bigihêje zarokan û zarok di betlaneyê de pirtûkên kurdî bixwînin ji bo zarokên kurd derxistin.

Ji duhî vê şepoleke bihêz ya tepûtozê bajarên Herêma Kurdistanê girtiye û çendîn welatî rakirin nexweşxaneyê û tenduristiya welatiyan xistiye metirsiyê.