تیلرسۆن: واشنتۆن پشتیوانی ریفراندۆمه‌كه‌ی ھه‌رێم ناكات

.

وه‌زیری ده‌ره‌وه‌ی ئه‌مریكا: واشنتۆن پشتیوانی له‌ ریفراندۆمه‌كه‌ی ھه‌رێمی كوردستان ناكات.

نوسینگه‌ی راگه‌یاندی حه‌یده‌ر عه‌بادی ئه‌مڕۆ 24-6-2017، رایگه‌یاند: له‌ په‌یوه‌ندییه‌كی ته‌له‌فۆنیدا له‌گه‌ڵ  حه‌یده‌ر عه‌بادی سه‌رۆك وه‌زیرانی عیراق ریكس تیلرسۆن وه‌زیری ده‌ره‌وه‌ی ئه‌مریكا ته‌ئكیدی له‌وه‌ كردوه‌ته‌وه‌ كه‌ واشنتۆن به‌هیچ شێوه‌یه‌ك پشتیوانی له‌ ریفراندۆمه‌كه‌ی ھه‌رێمی كوردستان ناكات.

 راشیگه‌یاند: هه‌رله‌و په‌یوه‌ندییه‌ ته‌له‌فۆنییه‌دا هه‌ردوولا شه‌ڕی تیرۆرو پڕۆسه‌ی ئازادكردنه‌وه‌ی موسڵیان تاووتوێكردووه‌.

هه‌روه‌ها وه‌زیری ده‌ره‌وه‌ی ئه‌مریكا جه‌ختی كرده‌وه‌ له‌سه‌ر به‌رده‌وامبوونی پاڵپشتی و ھاوكارییه‌ سه‌ربازییه‌كانی واشنتۆن بۆ به‌غدا له‌ شه‌ڕی دژی داعشداو به‌ڵێنی ئه‌وه‌شیداوه‌ كه‌ بۆ ئاوه‌دانكردنه‌وه‌ی ناوچه‌ رزگاركراوه‌كانی ژێر ده‌ستی داعش ئه‌مریكا ھاوكاری به‌رچاوی حكومه‌تی عیراق بكات.

PUKmedia نوسینگه‌ی راگه‌یاندنی سه‌رۆك وه‌زیران