كۆمپانیای گه‌نه‌ل ئینێرجی هاوكاری زانكۆی ئه‌مریكی له‌ سلێمانی ده‌كات

20 ملیۆن دۆلاری به‌خشیوه‌ به‌ زانكۆی ئه‌مریكی له‌ سلێمانی

رۆژی 3-6 زانكۆی ئه‌مریكی عیراق- سلێمانی (AUIS) ڕایگه‌یاند كه‌ كۆمپانیای گه‌نه‌ل ئینێرجی، بڕی 20 ملیۆن دۆلاری ئه‌مریكی وه‌ك هاوكاریی به‌خشیوه‌ به‌ زانكۆی ئه‌مریكی له‌ سلێمانی، به‌ مه‌به‌ستی پشتیوانی له‌ په‌ره‌پێدانی مرۆیی له‌ كوردستان و  گه‌شه‌پێدانی خوێندنی باڵا.

د.ئه‌ساناسیه‌س مۆلاكیس، سه‌رۆكی زانكۆی ئه‌مریكی عیراق- سلێمانی، رایگه‌یاند: ئێمه‌ سوپاسگوزاری كۆمپانیای گه‌نه‌ل ئینێرجین، بۆ ئه‌م هاوكاریه‌ گرنگه‌و سوپاسی جه‌نابی سه‌رۆك وه‌زیرانی حكومه‌تی هه‌رێم و وه‌زاره‌تی سامانه‌ سروشتیه‌كان و وه‌زاره‌تی خوێندنی باڵا-ین، بۆ هاوكاری و پشتگریی به‌رده‌وامیان له‌م زانكۆیه‌، كه‌ مه‌به‌ستمانه‌ ناوه‌ندێكی پێشه‌نگ له‌ پێگه‌یاندن و فێركردنی نه‌وه‌كانی نوێی ئه‌م وڵاته‌بین.

ئه‌م به‌خشینه‌‌ مادییه‌ كراوه‌یه‌ به‌كار ده‌هێنرێت بۆ به‌ڕێوه‌بردنی زانكۆ و ته‌واوكردنی ژێرخان و پێویستییه‌كانی زانكۆ و به‌پێی رێكه‌وتنامه‌ له‌گه‌ڵ كۆمپانیا و حكومه‌تی هه‌رێم، زانكۆ به‌ شێوه‌یه‌كی به‌رده‌وام راپۆرت ده‌داته‌ وه‌زاره‌تی سامانه‌ سروشتییه‌كان و گه‌نه‌ل ئینێرجی ده‌رباره‌ی چۆنێتی به‌كارهێنانی ئه‌و بڕه‌ پاره‌یه‌.

محه‌مه‌د سه‌پیل، سه‌رۆكی گه‌نه‌ل ئینێرجی وتی، زانكۆی ئه‌مریكی عیراق له‌ سلێمانی، نه‌ك ته‌نها ناوه‌ندێكی زانستی نایابه‌ له‌ هه‌رێمی كوردستان، به‌ڵكو له‌ سه‌رجه‌م عیراقیشدا، ئێمه‌ هه‌ر له‌سه‌ره‌تای دامه‌زراندنیه‌وه‌ تێبینی سه‌ركه‌وتن و ده‌سكه‌وته‌كانیمان كردووه‌و له‌و باوه‌ڕه‌داین كه‌ ئه‌و زانكۆیه‌ ده‌بێته‌ سه‌نته‌رێكی ئه‌كادیمی و كه‌لتوری پێشه‌نگ و به‌شێوه‌یه‌كی فراوانتر ئه‌كادیمیه‌كان و رۆشنبیران و نه‌وه‌ نوێیه‌كان له‌ ناوچه‌كه‌دا بۆ خۆی راده‌كێشێت، ئه‌وه‌ ئه‌و باوه‌ڕه‌یه‌ كه‌ بۆته‌مایه‌ی هاوكاری كردنمان بۆ زانكۆی ئه‌مریكی له‌ سلێمانی.

له‌ درێژه‌ی قسه‌كانیدا سه‌پیلی گه‌نه‌ل ئینێرجی وتیشی: زانكۆی ئه‌مریكی عیراق-سلێمانی، شانازی ده‌كات به‌وه‌ی كه‌ ببێته‌ سوودمه‌ندێك له‌ ژماره‌یه‌ك له‌ به‌خشینه‌كانی خێرخوازانی وه‌ك گه‌نه‌ل ئینێرجی كه‌ بڕوای به‌ توانای دامه‌زراوه‌كه‌ هه‌یه‌ بۆ تواناسازی، هه‌ره‌ها دروشمی ئێمه‌ بریتییه‌ له‌ (با ڕووناكی له‌وێ هه‌بێت) ئه‌مڕۆ ده‌بێت چیتر بووترێت، سه‌باره‌ت به‌ هه‌موو كێشه‌ تاریك و ئاڵۆزه‌كان كه‌ هه‌موومان له‌م جوگرافیه‌دا به‌ره‌وڕووی ده‌بینه‌وه‌، جگه‌ له‌وه‌ی كه‌ با ڕووناكی له‌وێ هه‌بێت و بۆ ئه‌وه‌ی ئه‌و ڕووناكییه‌ بێته‌ دی، زانكۆی ئه‌مریكی عیراق- سلێمانی، ده‌بێت مه‌شخه‌ڵه‌كه‌ به‌رز بكاته‌وه‌، ئێمه‌ وه‌ك گه‌نه‌ل ئینێرجی شانازی ده‌كه‌ین كه‌ ببینه‌ به‌شێكی نه‌پچڕاوی په‌ره‌پێدانی ئه‌م دامه‌زراوه‌ ڕووناككه‌ره‌وه‌یه‌.

زانكۆی ئه‌مریكی له‌ سلێمانی دامه‌زراوه‌یه‌كی قازانج نه‌ویسته‌ و موڵكی كه‌س نیه‌ و پشكی هیچ لایه‌نێكی تایبه‌تی تیا نیه‌، به‌ڵكو موڵكێكی گشتیه‌ بۆ به‌رژه‌وندی گشتی كار ده‌كات.

بۆ ئاشنابوون به‌ كۆمپانیای ناوبراو سه‌ردانی ئه‌م ماڵپه‌ڕه‌ی خواره‌وه‌ بكه‌
www.genelenergy.com

بۆ زانیاریی زیاتر سه‌باره‌ت به‌و هاوكارییانه‌ی زانكۆی ئه‌مریكی وه‌ریگرتووه‌، سه‌یری ئه‌م لینكه‌ی خواره‌وه‌ بكه‌
http://auis.edu.iq/support_auis