نێچیر كچەكەی نەرفاندووە

بەویستی خۆی لەگەڵی رۆشتووە

دوای بڵاوبوونەوەی هەواڵی رفاندنی كچێك لەلایەن ئەو كوڕەی كە ساڵی 2010 لە گەڕەكی بەختیاری شاری سلێمانی دایك‌و باوك‌و خوشكەكەی خۆی كوشت، ئەو كچە رەتی كردەوە كە رفێندرابێت، رایگەیاند كە بەویستی خۆی لەگەڵ ئەو كوڕە رۆشتووە.

نەقیب سەركەوت ئەحمەد وتەبێژی پۆلیسی پارێزگای سلێمانی بە PUKmedia ی راگەیاند: دوێنێ دایك‌و باوكی ئەو كچە لە بنكەی پۆلیسی بەختیاری سكاڵایان لەسەر تۆمار كردبوو كە گوایە كچەكەیان لەلایەن كەسێكەوە رفێندراوە، هەر هەمان رۆژ بنكەی پۆلیسی بەختیاری توانیان ئەو كەسە دەستگیر بكەن.

وتیشی: پاش هێنانیان بۆ بنكەی پۆلیس كچەكە رەتی كردەوە رفێندرابێت‌و، بەویستی خۆی لەگەڵ ئەو كوڕە رۆشتووە.

راشیگەیاند: لەئێستا بە بڕیاری دادوەر كوڕەكە بەندەو كچەكەش لە شێڵتەرە.

PUKmedia تایبەت