بەڕێوەبەرایەتی ئاوی سلێمانی دوو بڕیاری نوێ دەردەكات

بەڕێوەبەرایەتی ئاوی سلێمانی

بەڕێوەبەرایەتی ئاوی سلێمانی رایدەگەیەنێت ئەو خانووانەی رووبەرەكانیان لە 400 مەتر دووجا زیاترە، لەكاتی وەرگرتنی بڕی پارەی ئاودا، وەك ماڵە 400 مەترییەكان ئەژماردەكرێن، هەر خانوویەكیش بۆ ماوەی شەش مانگ چۆڵ بێت، لە پێدانی پارەی ئاو دەبەخشرێت.

بەگوێرەی بڕیارێكی پێشووتری بەڕێوەبەرایەتی ئاوی سلێمانی، مانگانە بەپێی رووبەری خانوو بۆ هەر مەترێك بڕی 50 دینار لەبەرامبەر پێدانی ئاودا وەردەگیرا، بەڵام بەپێی ئەم بڕیارە نوێیە، ئەو خانووانەی رووبەریان لە 400 مەتر زیاترە، هەمان ئەو بڕە پارەیە دەدەن كە خاوەن ماڵێكی 400 مەتری وەردەگیرێت.


PUKmedia سەفین ئەحمەد - سلێمانی