كەمپینی ئازادكردنی ئۆجەلان بەردەوامە

كەمپینی ئازادكردنی ئۆجەلان بەردەوامە

كەمپینی كۆكردنەوەی پێنج ملیۆن ئیمزا بۆ ئازادكردنی سەرۆكی پارتی كرێكارانی كوردستان بەردەوامە، كە بڕیارە لەو ژمارەیە یەك ملیۆن ئیمزایان لە هەرێمی كوردستان كۆبكرێتەوە، تائێستاش لە شاری سلێمانی توانراوە نزیكەی شەش هەزار ئیمزا كۆبكرێتەوە.

گۆران عەزیز ئەندامی راگەیاندنی كەمپینەكە بە PUKmedia ی راگەیاند: كەمپینەكە بۆ ئازادكردنی عەبدوڵڵا ئۆجەلان سەرۆكی پارتی كرێكارانی كوردستان و زیندانیانی كوردە لە توركیا، هەڵمەتەكە بریتییە لە كۆكردنەوەی پێنج ملیۆن ئیمزا، لەو ژمارەیەك یەك ملیۆنیان بۆ باشوری كوردستانە.

كەمپینەكە بریتییە لە كارێكی نەتەوەیی تا 14-8 بەردەوامدەبێت، هەریەك لە جێگری سەرۆكی هەرێم، سەرۆك و جێگری سەرۆكی حكومەتی هەرێم و زیاتر لە 100 پەرلەمانتار ئیمزایان كردووە.


PUKmedia سەفین ئەحمەد - سلێمانی