حەوت سەرباز شەهید و بریندار دەبن

حەوت سەرباز شەهید و بریندار دەبن

بەهۆی تەقینەوەی چەند بۆمبێكی چێندراو لە ناوچەكانی سەر بە هەردوو پارێزگای دیالە و سەلاحەدین، 7 سەربازی سوپای عیراق بریندار دەبن.

سەرچاوەیەكی ئەمنی لە دیالە بە PUKmedia ی راگەیاند: ئەمڕۆ 21-5 بەهۆی تەقینەوەی بۆمبێكی چێندراو لەنزیك خاڵێكی پشكنین لە ناوچەی تەبەج لە ناحیەی جەلەولا، سەربازێك شەهید بوو و ئەفسەرێكیش برینداربوو.

لە ناحیەی سەعدیەش ژمارەیەك تیرۆریست پەلاماری خاڵێكی پشكنینی سەربازییانداوە و بەوهۆیەوە سەربازێك برینداربووە، لە ناوچەی زەلوعییەش لە پارێزگای سەلاحەدین لەكاتی پوچەڵكردنەوەی بۆمبێكی چێندراودا، بۆمبەكە دەتەقێتەوەو ئەفسەرێك بە پلەی مولازمی یەك شەهید دەبێت و سێ سەربازی تریش بریندار دەبن.


PUKmedia هونەر مەنسور- سەلاحەدین