كۆمیته‌ی هۆڵه‌ندا یادی ٣٨ ساڵه‌ی دامه‌زراندنی ی.ن.ك ده‌كاته‌وه‌

كۆمیته‌ی هۆڵه‌ندا یادی ٣٨ ساڵه‌ی دامه‌زراندنی ی.ن.ك ده‌كاته‌وه‌

 ئۆرگانه‌كانی یه‌كێتیی نیشتمانیی كوردستان له‌ هۆڵه‌ندا له‌ باره‌گای كۆمیته‌ی رێكخستنی هۆڵه‌ندا دانیشتنێكی ئاساییان رێكخست بۆ ئه‌وه‌ی ئه‌مساڵ به‌ جوانترین شێواز یادی ٣٨ ساڵه‌ی دامه‌زراندنی حزبه‌كه‌یان بكه‌نه‌وه‌ ئه‌ویش یه‌كێتیی هه‌میشه‌ زیندوه‌.

له‌لایه‌كی تریشه‌وه‌ ئه‌نجومه‌نی كۆمیته‌ی رێكخستنی هۆڵه‌ندا كۆبونه‌وه‌ی وه‌رزی خۆی ئه‌نجامداو له‌ خۆئاماده‌كردنیشدان بۆ ئه‌نجامدانی گه‌وره‌ترین ئاهه‌نگ به‌ بۆنه‌ی یاده‌مه‌زنه‌كه‌و به‌رزنرخاندنی كه‌ له‌ ٢/٦ ئه‌نجام ده‌درێت بۆ یه‌كێتییه‌كان و ره‌وه‌ندی كوردی.

به‌ئاماده‌بوونی لێپرسراوی كۆمیته‌و هه‌ردوو كارگێڕه‌كه‌و ته‌واوی ئه‌نجومه‌نی كۆمیته‌، كۆبونه‌وه‌ی كۆمیته‌ی هۆڵه‌ندا به‌ ساتێك وه‌ستان بۆگیانی پاكی شه‌هیدان ده‌ستیپێكرد، سه‌ید علی لێپرسراوی كۆمیته‌ به‌ تیشك خستنه‌ سه‌ر باشبوونی ته‌ندروستی مام جه‌لال و راگه‌یاند كه‌ به‌هۆی خاتوو شانازه‌وه‌ كه‌ لێپرسراوی ناوه‌ندی ده‌ره‌وه‌یه‌، به‌رده‌وام به‌ ئاگاین له‌ چۆنیه‌تی باری ته‌ندروستی و خۆشحاڵی خۆی نیشاندا بۆ باشتربوونی باری ته‌ندروستی مام جه‌لال، دواتر ئه‌نجومه‌نی كۆمیته‌ هیوایان خواست كه‌ زوو به‌ ته‌واوه‌تی چاكببێته‌وه‌ و بگه‌ڕێته‌وه‌ كوردستان.

لێپرسراوی كۆمیته‌ باسی له‌ باری عیراق و ناوخۆی هه‌رێمی كوردستان كردو دواتر له‌سه‌ر كاری رێكخستن و گه‌شه‌سه‌ندنی رێكخستنه‌كان وتی: دوای ئه‌وه‌ی له‌ به‌رلین له‌گه‌ڵ ئه‌نجومه‌نی ناوه‌ند كۆبونه‌وه‌یه‌كمان ئه‌نجامدا به‌ئاماده‌بونی شاناز ئیبراهیم ئه‌حمه‌د، چه‌ندین داواكاری و پێشنیاری كۆمیته‌كانی ئه‌وروپامان گه‌یانده‌ ده‌ستیان به‌ تایبه‌ت كۆمیته‌ی هۆڵه‌نداو ئێستا خۆشبه‌ختانه‌ ئه‌و پێشنیارو داواكاریانه‌مان بۆ جێبه‌جێكراوه‌و به‌ بڕیارو راسپارده‌ بۆمان نێردراوه‌ته‌وه‌، ئه‌مه‌ش ده‌كاته‌ دڵسۆزی و به‌پیره‌وه‌چوونی داواكاریه‌كانمان كه‌ جێی رێزه‌.

دواتر كارگێڕی به‌شی رێكخستن به‌رێز فارس ئاماژه‌ی به‌ كارو چالاكیه‌كانی كۆمیته‌ داو وتی: گه‌شه‌سه‌ندنمان به‌نده‌ به‌ رێكخستنه‌كانه‌وه‌، بۆیه‌ كۆمیته‌كه‌مان له‌چاو ساڵی رابردوو گۆرانكاری به‌رچاوی به‌خۆیه‌وه‌ بینیوه‌ له‌ڕووی چه‌ندایه‌تی و چۆنایه‌تیشه‌وه‌، ئه‌مه‌ش ده‌گه‌ڕێته‌وه‌ بۆ ئه‌و ستافه‌ كارامه‌یه‌ی كه‌ تازه‌ هه‌ڵبژێردراون بۆ كه‌رت و كۆمیته‌، پاشان خاتوو دلارام كارگێڕی به‌شی چاودێری و به‌دواداچوون تیشكی خسته‌سه‌ر گه‌شه‌سه‌ندنی پێشمه‌رگه‌و كه‌مئه‌ندام و رێكخستنه‌ كۆنه‌كان كه‌ ئه‌وانه‌ی خه‌بات و تێكۆشانیان بۆ هه‌ژمارد نه‌كراوه‌، كاریان له‌سه‌ركردووه‌ كه‌ كار ئاسانیان بۆ بكرێت.

له‌ كۆتایشدا هه‌ریه‌ك له‌ ئاماده‌بووان راپۆرتی به‌ش و كه‌رته‌كانیان خسته‌ڕوو له‌ڕووی كاروچالاكی و پێشنیاره‌كانیانه‌وه‌، ئێستاش ئه‌نجومه‌نی كۆمیته‌ لیژنه‌یه‌كی داناوه‌ بۆ ئه‌وه‌ی سه‌رپه‌رشتی ئه‌وئاهه‌نگه‌ بكه‌ن كه‌ ٢/٦ یادی یه‌كێتیی نیشتیمانیی كوردستانی تیا ده‌كه‌نه‌وه‌و وا چاوه‌ڕوان ده‌كرێت كه‌ سه‌دان كه‌س به‌ شداری ئه‌و یاده‌ بكه‌ن.

PUKmedia  شاخه‌وان ئه‌كره‌م دوكانی- هۆڵه‌ندا