ڤایرۆسێك به‌نهێنی وێنه‌ی به‌كارهێنه‌رانی كۆمپیوته‌ر ده‌گرێت

په‌یدابوونی ڤایرۆسێكی نوێ كه‌ به‌ شێوه‌یه‌كی نهێنی وێنه‌ی به‌كارهێنه‌ر ده‌گرێت

دامه‌زراوه‌یه‌كی ئه‌ڵمانی تایبه‌ت به‌ تۆڕی ئینته‌رنێت هۆشیاری ده‌دات له‌ په‌یدابوونی به‌رنامه‌یه‌كی نوێ بۆ سیخوڕی كردن كه‌ ده‌توانێت فیڵ له‌ به‌كارهێنه‌رانی كۆمپیوته‌ر بكات و له‌ رێگه‌ی كامێرای كۆمپیوته‌ره‌كه‌وه‌ به‌ نهێنی وێنه‌ی به‌كارهێنه‌ر بگرێت.

دامه‌زراوه‌ی ئه‌ڵمانی بۆ به‌رهه‌مهێنانی ئینته‌رنێت (ئیكۆ) رایگه‌یاندووه‌: پێویسته‌ به‌كارهێنه‌رانی كۆمپیوته‌ر هه‌ست به‌ پشێوی نه‌كه‌ن له‌مجۆره‌ فێڵكردنه‌، هه‌روه‌ك جه‌ختیشی كردووه‌ته‌وه‌ كه‌ رێوشێنی پێویست و به‌په‌له‌ ده‌گرنه‌به‌ر بۆ روبه‌ڕوبوونه‌وه‌ی ئه‌و ڤایرۆسه‌.

دامه‌زراوه‌ی ئه‌ڵمانی بۆ به‌رهه‌مهێنانی ئینته‌رنێت (ئیكۆ) ئاماژه‌شی به‌ گرنگی به‌كارهێنانی چه‌ند به‌رنامه‌یه‌ك كرد وه‌كو به‌رنامه‌ی (هیتمان برو) بۆ به‌ره‌نگاربوونه‌وه‌ له‌ ڤایرۆسه‌كه‌، هه‌روه‌ها ئاشكراشی كردووه‌ كه‌ ئه‌و ڤایرۆسه‌ له‌ رێگه‌ی تۆڕێكی پیسه‌وه‌ دزه‌ ده‌كاته‌ ناو كۆمپیوته‌ره‌وه‌و له‌ رێگه‌ی چه‌ند بۆشاییه‌كی ئه‌منییه‌وه‌ له‌ كۆمپیوته‌ره‌كه‌دا وه‌كو به‌رنامه‌ی گه‌ڕان له‌ ئینترنێت یان فلاش و چه‌ند به‌رنامه‌یه‌كی تر.

راشیگه‌یاندووه‌: بیرۆكه‌ی ئه‌م ڤایرۆسه‌ پشت ده‌به‌سێت به‌ له‌كارخستنی كۆمپیوته‌رو ده‌رخستنی نامه‌یه‌كی هۆشیاركردنه‌وه‌ له‌سه‌ر شاشه‌كه‌و به‌كارهێنه‌ری كۆمپیوته‌ر ئاگادار ده‌كاته‌وه‌ له‌ دۆزینه‌وه‌ی چه‌ند بابه‌تێكی سێكسی تایبه‌ت به‌ منداڵان، پاشان ئه‌و به‌رنامه‌یه‌ چوار وێنه‌ی سێكسی منداڵان ده‌خاته‌ڕوو له‌گه‌ڵ وێنه‌ی به‌كارهێنه‌ر كه‌ به‌ شێوه‌یه‌كی شاراوه‌ له‌ رێگه‌ی كامێرای كۆمپیوته‌ره‌كه‌وه‌ گیراوه‌.

دامه‌زراوه‌ی ئه‌ڵمانی بۆ به‌رهه‌مهێنانی ئینته‌رنێت (ئیكۆ) ئاماژه‌ی به‌وه‌ش كردووه‌ كه‌ بۆ روبه‌ڕوبوونه‌وه‌ی ئه‌مجۆره‌ ڤایرۆسه‌ پێویسته‌ له‌ سه‌ره‌تادا به‌كارهێنه‌ر به‌رنامه‌ی (هیتمان برو) داببه‌زێنێت له‌ كۆمپیوته‌رێكی تووش نه‌بوو به‌و فایرۆسه‌، پاشان وه‌كو دۆسیه‌یه‌ك ده‌گوازرێته‌وه‌ له‌ كۆمپیوته‌رێكی تووش نه‌بوو بۆ كۆمپیوته‌رێكی تووشبوو له‌ رێگه‌ی به‌كارهێنانی میمۆرییه‌كه‌وه‌و له‌ ئه‌نجامدا ئه‌و كێشه‌یه‌ چاره‌سه‌ر ده‌كات، هه‌روه‌ها بۆ روبه‌ڕوبوونه‌وه‌ی ئه‌مجۆره‌ كێشانه‌ له‌ داهاتوودا، پسپۆڕان و شاره‌زایان ئامۆژگاری ئه‌وه‌ ده‌كه‌ن كه‌ پێویسته‌ به‌كارهێنه‌رانی كۆمپیوته‌ر به‌پێی توانا به‌رنامه‌ی گه‌ڕانی ئینترنێت و فلاش و جافا و سیستمی كارپێكردنی كۆمپیوته‌ر نوێ بكه‌نه‌وه‌، له‌گه‌ڵ به‌كارهێنانی ئه‌نتی ڤایرۆس بۆ ڕوبه‌ڕوبوونه‌وه‌ی ئه‌و به‌رنامانه‌ی كه‌ زیان به‌ كۆمپیوته‌ر ده‌گه‌یه‌نن.

PUKmedia  سه‌رچاوه‌/ ئاژانسه‌كان