پێشڕه‌وییه‌كانی پێشمه‌رگه‌ له‌ناو به‌شیر به‌رده‌وامه‌

پێشڕه‌وییه‌كان به‌رده‌وامه‌

پێشڕه‌وییه‌كانی هێزی پێشمه‌رگه‌ له‌ نێو گوندی به‌شیر به‌رده‌وامه‌و له‌ ئێستاشدا هێزه‌كانی پێشمه‌رگه‌ گه‌یشتونه‌ته‌ بنكه‌ی پۆلیسی به‌شیر.

له‌و باره‌یه‌وه‌ سه‌رچاوه‌یه‌ك له‌ هێزه‌كانی پێشمه‌رگه‌ ئه‌مڕۆ 30-4-2016، به‌ PUKmedia ی راگه‌یاند: پێشڕه‌ویه‌كانی هێزی پێشمه‌رگه‌ له‌ دوو قۆڵه‌وه‌ بۆ نێو گوندی به‌شیر به‌رده‌وامه‌و له‌ ئێستادا هێزه‌كانی پێشمه‌رگه‌ له‌ناو سه‌نته‌ری گوندی به‌شیردان و گه‌یشتونه‌ته‌ نزیك بنكه‌ی پۆلیسی به‌شیر-دان .
وتیشی:  له‌ ئێستادا تیرۆرستانی داعش هیچ جۆره‌ رووبه‌ڕووبونه‌وه‌یه‌كیان نه‌ماوه‌و هێزه‌كانی پێشمه‌رگه‌ش له‌ هه‌ردوو قۆڵه‌وه‌ پێشڕه‌وی باشیان له‌ناو گونده‌كه‌دا كردوه‌.

جێگای باسه‌ گوندی به‌شیر ده‌كه‌وێته‌ باشوری شاری كه‌ركوك و به‌ كۆنتڕۆڵكردنی ئه‌و گونده‌و ده‌وروبه‌ری مه‌ترسییه‌كان له‌سه‌ر ئاسایشی شاری كه‌ركوك نامێنێت.

PUKmedia تایبه‌ت