ژماره‌یه‌ك چه‌كدار له‌توركیاوه‌ هێرشده‌كه‌نه‌ سه‌ر شه‌ڕڤانان

.

به‌یانی ئه‌مڕۆ ژماره‌یه‌ك چه‌كداری نه‌ناسراو كه‌ گومانده‌كرێت له‌ هێزه‌كانی فیرقه‌ی سوڵتان مراد توركمانی بن له‌ناو خاكی توركیاوه‌ هاتوونه‌ته‌ سوریا و هێرشیانكردوه‌ته‌ سه‌ر شه‌ڕڤانان .

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند، هاوكات له‌گه‌ڵ بۆردومانه‌كانی به‌یانی ئه‌مڕۆی سوپای توركیا بۆ سه‌ر هێزه‌كانی یه‌په‌گه‌ و سوپای شۆڕشگێڕانی سوریا، ژماره‌یه‌ك چه‌كداری نه‌ناسراو له‌ناو خاكی توركیاوه‌ دزه‌یان كردوه‌ته‌ ناوچه‌ی ته‌ل ره‌فعه‌ت .

وتیشی: ئه‌و چه‌كدارانه‌ هێرشیان كردوه‌ته‌ سه‌ر هێزه‌كانی سوپای شۆڕشگێڕانی سوریا و یه‌په‌گه‌ ، به‌ڵام روبه‌ڕووی وه‌ڵامی توند بوونه‌ته‌وه‌و تێكشكاون و شه‌ڕ  به‌رده‌وامه‌ .

ئه‌و چالاكوانه‌ ووتی ، به‌پێی زانیاریه‌ سه‌ره‌تاییه‌كان واباسده‌كرێت ئه‌و چه‌كدارانه‌ سه‌ر فیرقه‌ی سوڵتان مراد توركمانی بن كه‌له‌لایه‌ن توركیاوه‌ بۆ دژایه‌تیكردنی كورد دروستكراون . 

PUKmedia  سامان یاروه‌یس