راگه‌یاندراوێك له‌وه‌زاره‌تی دارایی - سه‌باره‌ت به‌دابه‌شكردنی مووچه‌

.

وه‌زاره‌تی دارایی حكومه‌تی هه‌رێم داوا ده‌كات سه‌رجه‌م فه‌رمانگه‌و دام و ده‌زگاكان لیستی مووچه‌كانیان بۆ مانگی كانوونی دووه‌م بۆمان ره‌وانه‌ بكه‌ن تاكو ناچار نه‌بین گۆڕانكاری له‌ڕیزبه‌ندنی وه‌زاره‌ته‌كان بۆ پێدانی مووچه‌ بكه‌ین.

وه‌زاره‌تی دارایی و ئابووری له‌ راگه‌یه‌ندراوێكدا كه‌ كۆپییه‌كی بۆ PUKmedia نێردراوه‌ رایده‌گه‌ێنێت: مووچه‌ی وه‌زاره‌تی پێشمه‌رگه‌و فه‌رمانده‌ی پێشمه‌رگه‌ی زێره‌ڤانی و هێزی ئاماده‌ له‌گه‌ڵ مووچه‌ی ئه‌نجومه‌نی ئاسایش و ده‌زگای گشتی ئاسایش بۆ مانگی كانوونی دووه‌می ساڵی 2016  خه‌رج كراوه‌.

هه‌روه‌ها هه‌موو ئاماده‌كاریه‌ك كراوه‌ بۆ خه‌رج كردنی مووچه‌ی سه‌رجه‌م فه‌رمانگه‌و دام و ده‌زگاكانی تری حكومه‌تی هه‌رێم، بۆیه‌ داواكارین به‌زووترین كات لیستی مووچه‌كانیان بۆمان ڕه‌وانه‌ بكه‌ن، به‌ پێچه‌وانه‌وه‌ ناچارین مووچه‌ی ئه‌و فه‌رمانگه‌و دام و ده‌زگایانه‌ خه‌رج بكه‌ین، كه‌ لیستی مووچه‌كانیان ئاماده‌كردووه‌و به‌ده‌ستمان گه‌یشتووه‌و كاری وردبینی بۆ ئه‌نجام دراوه‌.

PUKmedia