به‌ده‌م چاوه‌ڕوانیه‌وه‌.. چاوه‌ڕێ 15 ی شوبات بن

“به‌ده‌م چاوه‌ڕوانیه‌وه‌.. چاوه‌ڕێبه‌”

رۆژی دووشه‌ممه‌ 15-2-2016 و ڕۆژانی تر په‌یمانگای ھونه‌ره‌ جوانه‌كانی ھه‌ولێر شانۆگه‌ری “به‌ده‌م چاوه‌ڕوانیه‌وه‌.. چاوه‌ڕێبه‌” له‌ ئاماده‌كردن و ده‌رھێنانی محه‌مه‌د جه‌میل،نمایش ده‌كرێت.

محه‌مه‌د جه‌میل  ده‌رھێنه‌ر سه‌باره‌ت به‌ شانۆییه‌كه‌ وتی: شانۆگه‌ریه‌كه‌ چه‌ند رۆژێك به‌رده‌وام ده‌بێت، تێكستی نمایشه‌كه‌ش باسی له‌وه‌ كرد كه‌له‌ تێكستی بیكت و تێكستی كه‌ریم ده‌شتی و محه‌مه‌د ماغوت تێكستی نمایش ئاماده‌كراوه‌.

وه‌كو به‌شی شانۆ بڕیارمدان داوه‌ له‌سه‌ر مه‌نھه‌ج ئیش بكه‌ین، ناوه‌ڕۆكی شانۆییه‌كه‌ له‌ شه‌ش به‌ش پێكھاتووه‌ و ھه‌ر به‌شی باس له‌ بابه‌تێك ده‌كات، ماوه‌ی نمایشه‌كه‌ 55 ده‌قیقه‌یه‌، له‌ھۆڵی فه‌رھاد شه‌ریفی په‌یمانگه‌ی ھونه‌ره‌ جوانه‌كانی ھه‌ولێر،له‌ سه‌عات 4 ی ئێواره‌. سه‌رجه‌م ئه‌كته‌ره‌كان له‌ فێرخوازانی په‌یمانگه‌ پێكھاتوون.

وتیشی: په‌یامی من له‌و نمایشه‌ ھه‌موو ناخۆشییه‌كان گه‌ر دواجار پلانێكمان ھه‌بێت و سیسته‌مێكمان ھه‌بێت ده‌گه‌ینه‌ ئه‌و ئه‌مانجه‌ی ھه‌مانه‌،ھه‌روه‌ھا باسی میژووی كورد ده‌كات، به‌ڵام به‌ ئێره‌كردنمان بۆ كردووه‌.

PUKmedia