شه‌ڕڤانان هێرشیان بۆ سه‌ر عزاز ده‌ستپێكرد

.

شه‌ڕڤانانی یه‌په‌گه‌ و یه‌په‌ژه‌ هێرشێكی فراوانیان له‌خۆرئاوای عزازی سه‌ربه‌ حه‌له‌ب ده‌ستپێكردوه‌و  روبه‌ڕووی تیرۆرستانی نوسڕه‌و ئه‌حرار ئه‌لشام بوونه‌ته‌وه‌و له‌پێشڕه‌ویدان .

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: ئه‌مشه‌و شه‌ڕڤانان هێرشیانكردوه‌ته‌ سه‌ر رۆژئاوای شاری عزازو له‌ئێستادا له‌نزیك نه‌خۆشخانه‌ی سه‌ره‌كی ئه‌و شاره‌ له‌گه‌ڵ تیرۆرستانی به‌ره‌ی نوسڕه‌و ئه‌حرار ئه‌لشام روبه‌ڕووی یه‌كتربوونه‌ته‌وه‌و زیانی زۆریان پێگه‌یاندون . 

وتیشی: هێرشی شه‌ڕڤانان بۆ پاككردنه‌وه‌ی ته‌واوی شاری عه‌زازه‌ له‌باكوری حه‌له‌ب و ئه‌مه‌ش دوای ئه‌وه‌ دێت له‌ماوه‌ی 24 سه‌عاتی رابردوودا چوار گوند و فڕۆكه‌خانه‌ی منگیان له‌تیرۆرستان پاككردبووه‌وه‌ كه‌له‌چه‌ند كیلۆمه‌تری ئه‌و شاره‌دان . 

ئاشكرایكرد، له‌چه‌ند سه‌عاتی داهاتوودا هه‌واڵی سه‌ركه‌وتنی زیاتر ده‌بیستین . 

 PUKmedia   سامان یاروه‌یس