هێزه‌كانی حه‌فتا سه‌نگه‌ره‌كان پته‌وترده‌كه‌ن

.

فه‌رمانده‌ی هێزه‌كانی 70ی سه‌ربه‌وه‌زاره‌تی پێشمه‌رگه‌، له‌لێدوانێكیدا بۆ پێگه‌ی بیروڕا رایگه‌یاندوه‌، هێزه‌كانی پێشمه‌رگه‌ به‌رگری له‌خاكی كوردستان ده‌كه‌ن و پێویسته‌ هه‌موولایه‌ك به‌شێوه‌یه‌كی هێمنانه‌ داوای مافی خۆیان بكه‌ن و ئارامی و ئاسایش بپارێزن .

جه‌عفه‌ر شێخ مسته‌فا فه‌رمانده‌ی هێزه‌كانی 70ی پێشمه‌رگه‌ ئاماژه‌ی بۆ ئه‌وه‌كردوه‌، ێستا هێزی پێشمه‌رگه‌ سه‌نگه‌ره‌كانی به‌رگری چۆڵ بكات هیچ كه‌س و چین و توێژێك له‌ كوردستاندا نامێنێت، مادام هێزی پێشمه‌رگه‌ی كوردستان به‌رگری له‌ خه‌ڵكی كوردستان ده‌كات پێویسته‌ ئاسایش و ئارامی بپارێزن، له‌گه‌ڵ ئه‌وه‌دام ده‌بێت حكومه‌ت له‌گه‌ڵ ماف و داواكانی خه‌ڵك دابێت، چون ئه‌ركی پێ سپاردووه‌ ده‌بێ ئاواش له‌به‌رامبه‌ردا مافی خۆیانیان پێ بدات

باسیله‌وه‌شكردوه‌، من ده‌پرسم ده‌كرێ ئێستا ئێمه‌ سه‌نگه‌ره‌كانی به‌رگری چۆڵ بكه‌ین و خه‌ڵكی كوردستان ئاواره‌و سه‌رگه‌ردان و ده‌ربه‌ده‌ر ببنه‌وه‌؟ ئه‌گه‌ر ده‌كرێ با بیكه‌ین، بۆیه‌ پێم وایه‌ ناكرێت، چونكه‌ پێشمه‌رگه‌ بۆ پاراستنی شه‌ره‌ف و كه‌رامه‌تی هه‌موو خه‌ڵكی كوردستان خه‌بات ده‌كات و دوژمنیش زه‌فه‌ر به‌ وڵاته‌كه‌مان به‌رێت هه‌موو ئه‌وانه‌ی هاتوونه‌ته‌ سه‌ر شه‌قام له‌ كوردستان نامێنن.

جه‌ختیكردوه‌ته‌وه‌، فه‌رمانده‌ی هێزه‌كانی 70 ئاماژه‌ی به‌وه‌شكرد: حه‌ق بوو خه‌ڵك به‌ر له‌هه‌موو شتێك بۆ مافی پێشمه‌رگه‌ قاره‌مانه‌كان بهاتنایه‌ سه‌ر شه‌قام و داوای زیادكردن و پێدانی مووچه‌كانی ئه‌وانیان بكردایه‌.

ئاماژه‌ی به‌وه‌شداوه‌،پێم وایه‌ ئه‌و كه‌سانه‌ی داوای مافی خۆیان ده‌كه‌ن حه‌قی خۆیان و ده‌نگی خۆمان ده‌خه‌ینه‌ پاڵ ده‌نگی ئه‌وان، به‌ڵام هه‌ركه‌سێك و لایه‌ك ڕێكخراوێك ئاسایشی وڵات بخاته‌ مه‌ترسیه‌وه‌و به‌رهه‌می خوێنی شه‌هیده‌كان و شه‌ونخۆنی هێزی پێشمه‌رگه‌ به‌ فیڕۆ بدات ئێمه‌ وه‌كو هێزی پێشمه‌رگه‌ چۆن به‌رامبه‌ر داعش وه‌ستاوین به‌رامبه‌ر ئه‌وانیش ده‌وه‌ستینه‌وه‌.

PUKmedia