جه‌خت له‌سه‌ر دابینكردنی شایسته‌ داراییه‌كانی كه‌ركوك كرایه‌وه‌

پێشوازی له‌ سه‌رۆكی لیژنه‌ی نه‌وت و غاز كرد

ئه‌مڕۆ 10-2-2016، دكتۆر نه‌جمه‌دین كه‌ریم پارێزگاری كه‌ركوك له‌ نوسینگه‌ی تایبه‌تی خۆی پێشوازی كرد له‌ په‌رله‌مانتار (ئارێز عه‌بدوڵڵا) سه‌رۆكی لیژنه‌ی نه‌وت و غاز له‌ ئه‌نجومه‌نی نوێنه‌رانی عێڕاق دا به‌ یاوه‌ری چه‌ند په‌رله‌مانتارێكی شاری كه‌ركوك.

له‌ دیداره‌كه‌دا پارێزگاری كه‌ركوك پوخته‌یه‌كی سه‌باره‌ت ڕه‌وشی كه‌رتی نه‌وت له‌ شاره‌كه‌داو بارودۆخی هه‌نارده‌ كردنی نه‌وتو شایسته‌ داراییه‌كانی پترۆدۆلاری شاره‌كه‌ی بۆ وه‌فدی میوان باس كرد.

هه‌روه‌ها پارێزگاری كه‌ركوك باسی میكانیزمی هه‌نارده‌كردنی نه‌وتی كرد كه‌ حاڵی حازر په‌یره‌و ده‌كرێت و مافه‌ كه‌ڵه‌كه‌بوه‌كانی شاری كه‌ركوك له‌ پترۆدۆلار له‌ ساڵی (2014)ه‌وه‌و وه‌ڵامه‌ پرسیاره‌كانی په‌رله‌مانتارانی دایه‌وه‌.

لای خۆیه‌وه‌ په‌رله‌مانتار ( ئارێز عه‌بدوڵڵا) سه‌رۆكی لیژنه‌ی نه‌وت و غاز له‌ په‌رله‌مانی عیراق جه‌ختی كرده‌وه‌ له‌وه‌ی دابین كردنی شایسته‌ داراییه‌كانی شاری كه‌ركوك له‌ پترۆدۆلار له‌ پێشینه‌ی كاره‌كانیاندایه‌و تیگه‌یشتنی خۆی ده‌ربڕی بۆ ئه‌و ته‌گه‌رانه‌ی هاتونه‌ته‌ به‌رده‌م شاره‌كه‌ به‌هۆی سه‌رف نه‌كردنی شایسته‌ داراییه‌كانییه‌وه‌.

PUKmedia