كه‌ركوك.. ته‌قینه‌وه‌یه‌ك 7 برینداری لێكه‌وته‌وه‌

وێنه‌ی ئه‌رشیف

كرده‌وه‌یه‌كی تیرۆرستی له‌ گه‌ڕه‌كی یه‌كی حوزه‌یرانی شاری كه‌ركوك 7 برینداری لێكه‌وته‌وه‌ .

سه‌رچاوه‌یه‌ك له‌ پۆلیسی كه‌ركوك به‌ PUKmedia راگه‌یاند: ئێواره‌ی ئه‌مڕۆ 10-2-2016، ئۆتۆمبێلێكی بۆمبڕێژكراو له‌ گه‌ڕه‌كی یه‌كی حوزه‌یرانی شاری كه‌ركوك نزیك حوسێنیه‌ی ئه‌عزه‌م ته‌قیوه‌ته‌وه‌و له‌ ئه‌نجامدا 7 كه‌س برینداربوون و كه‌ 4  یان له‌ هێزه‌ ئه‌منییه‌كانن و 3 ی تریشیان هاووڵاتی مه‌ده‌نیین.

وتیشی: به‌هۆی  ته‌قینه‌وه‌كه‌وه‌ چه‌ند زیانێكی ماددی به‌ر دوكان و ماڵی هاووڵاتیان كه‌وتووه‌.

ئه‌و سه‌رچاوه‌یه‌ ئاماژه‌ی به‌وه‌شدا، هه‌ردوای ته‌قینه‌وه‌كه‌ هێزه‌ ئه‌منییه‌كان كۆنتڕۆڵی ناوچه‌كه‌یان كردوه‌و له‌ ئێستاشدا لێكۆڵینه‌وه‌كه‌ له‌ رووداوه‌كه‌ ده‌ستیپێكردوه‌.

PUKmedia هه‌ردی ئه‌بوبه‌كر