مه‌ڵبه‌ندی سلێمانی داوایه‌ك ئاڕاسته‌ی مامۆستا یه‌كێتی-یه‌كان ده‌كات

كۆبوونه‌وه‌كه‌ له‌باره‌ی ره‌وش و گوزه‌رانی سه‌ختی مامۆستایان بوو

دوانیوه‌ڕۆی ئه‌مڕۆ 9-2-2016 له‌باره‌گای مه‌ڵبه‌ندی 1ی رێكخستنی سلێمانی (ی ن ك) شێخ له‌تیف شێخ عومه‌ر لێپرسراوی مه‌ڵبه‌ند، له‌گه‌ڵ ژماره‌یه‌ك له‌ به‌ڕێوبه‌رو مامۆستا یه‌كێتییه‌كانی پارێزگای سلێمانی گۆبوه‌وه‌.

كۆبوونه‌وه‌كه‌ له‌باره‌ی ره‌وش و گوزه‌رانی سه‌ختی مامۆستایان و خستنه‌ ده‌نگی مه‌ڵبه‌ند بوو بۆ پاڵ ده‌نگی مامۆستایان.

له‌و باره‌یه‌وه‌ شێخ له‌تیف شێخ عومه‌ر لێپرسراوی مه‌ڵبه‌ندی ۱ی رێكخستنی سلێمانی (ی ن ك) رایگه‌یاند: دواكه‌وتنی موچه‌و كه‌مكردنه‌وه‌ی به‌كارێكی ناڕه‌وا ده‌زانین، هه‌روه‌ها ناڕه‌زایی ده‌ربڕین مافێكی ڕه‌وایه‌، به‌ڵام پاراستنی ئاسایش و ئارامی شار ئه‌ركێكی نیشتیمانیه‌.

هه‌ر له‌و دیداره‌دا داوا له‌مامۆستایانی یه‌كێتی كرا، وه‌ك چۆن له‌ ڕابردوودا خزمه‌تی زۆریان به‌ خوێندكاران و نه‌وه‌یی كۆن و نوێ كردووه‌، ئێستاش بۆ ئه‌وه‌ی چیتر له‌وه‌ زیاتر خوێندن دوا نه‌كه‌وێت تواناكانتان بخه‌نه‌ گه‌ڕ بۆ دووباره‌ ده‌ستپێكردنه‌وه‌ی پڕۆسه‌ی خوێندن.

PUKmedia تایبه‌ت