میسی دوورده‌كه‌وێته‌وه‌

.

یانه‌ی به‌رشه‌لۆنه‌ به‌ره‌سمی دووركه‌وتنه‌وه‌ی ئه‌ستێره‌ی یانه‌كه‌ی لیۆنێل میسی راگه‌یاند ئه‌مه‌ش به‌هۆی ئه‌نجامدانی نه‌شته‌رگه‌رییه‌كه‌وه‌.
له‌به‌یاننامه‌یه‌كدا یانه‌ی به‌رشه‌لۆنه‌ له‌پێگه‌ی ره‌سمی خۆی ئه‌وه‌ی بڵاوكردۆته‌وه‌ میسی به‌هۆی نه‌خۆشی و بوونی كێشه‌یه‌ك له‌گورچیله‌یدا پێویستی به‌نه‌شته‌رگه‌رییه‌كی بچوك ده‌بێت و ئه‌مرۆش نه‌شته‌رگه‌رییه‌كه‌ ئه‌نجامده‌دات، راسته‌وخۆش دوای نه‌شته‌رگه‌رییه‌كه‌ نه‌خۆشخانه‌ به‌جێده‌هێڵێت.

میسی به‌هۆی دووركه‌وتنه‌وه‌ی له‌مه‌شق و راهێنانی یانه‌كه‌ ناتوانێت به‌رامبه‌ر یانه‌ی ڤالانسیا یاریی بكات كه‌ سبه‌ینێ به‌ڕێوه‌ده‌چێت و له‌میانی قۆناغی پێش كۆتایی جامی شا ده‌بێت هه‌روه‌ها له‌به‌یاننامه‌كه‌ ئه‌وه‌ خراوه‌ته‌ڕوو میسی رۆژی پێنجشه‌ممه‌ی داهاتوو په‌یوه‌ندی به‌مه‌شق و راهێنانی یانه‌كه‌یانه‌وه‌ ده‌كات، میسی له‌م وه‌رزه‌دا به‌هۆی پێكانه‌وه‌ ماوه‌یه‌ك له‌یاریگاكان دووركه‌وته‌وه‌و له‌خولی یانه‌كانی ئیسپانیاش 12 گۆڵی تۆماركردووه‌.

PUKmedia