د.نه‌جمه‌دین: ده‌بێت هه‌موو لایه‌ك هاوكاربن

سه‌رپه‌رشتی كۆبونه‌وه‌ی لیژنه‌ی ئه‌منی كرد

دكتۆر نه‌جمه‌دین كه‌ریم سه‌رۆكی لیژنه‌ی ئه‌منی پارێزگای كه‌ركوك ئه‌مڕۆ 9-2-2016 سه‌رپه‌رشتی كۆبونه‌وه‌ی لیژنه‌ی ناوبراوی كرد .

 له‌ كۆبونه‌وه‌كه‌دا بارودۆخی ئه‌منی شاری كه‌ركوك تاوتوێكرا وێڕای باسكردنی ئه‌و ڕێووشوێنانه‌ی پێویسته‌ بگیرێنه‌به‌ر بۆ تۆكمه‌كردنی ئاسایشی شاره‌كه‌ و به‌هێزكردنی هه‌ماهه‌نگی نێوان هێزه‌ ئه‌منییه‌كان .

 هه‌روه‌ها ئاماده‌بوان نوێترین پێشهاته‌كانی به‌ره‌كانی جه‌نگی دژبه‌ تیرۆرستانی داعشیان باس كرد به‌ تایبه‌تی سه‌ركه‌وتنه‌كانی به‌ره‌ی ره‌مادی .
 
هه‌ر له‌و كۆبونه‌وه‌یه‌دا به‌خێرهاتنی عه‌مید بورهان ته‌یب كرا به‌بۆنه‌ی بوونی به‌ ئه‌ندام له‌و لیژنه‌یه‌دا، پارێزگاری كه‌ركوك داوای كرد له‌ سه‌رجه‌م پێكهاته‌ ئه‌منییه‌كان به‌رده‌وام بن له‌ ڕوبه‌ڕوبونه‌وه‌ی هه‌موو دیارده‌ نایاساییه‌كان و كار كردن بۆ دانانی سنوورێك بۆیان به‌پێی یاسا و كاركردن له‌ پێناو سه‌قامگیر كردنی ئارامی بۆ هاووڵاتییانی شاره‌كه‌.

PUKmedia راگه‌یاندنی پارێزگای كه‌ركوك