riklam

ئینفۆگرافیا.. مه‌ترسییه‌كانی ڤایرۆسی زیكا له‌سه‌ر مرۆڤ

ریپۆرتاژ‌ 02:42 PM - 2016-02-07
.

.

ڤایرۆسی زیكا چییه‌و چۆن مه‌ترسی ده‌خاته‌سه‌ر ژیانی مرۆڤ؟

ڤایرۆسێكه‌ له‌ڕێگه‌ی مێشووله‌وه‌ له‌كه‌سێكه‌وه‌ بۆ كه‌سێكی تر ده‌گوازرێته‌وه‌، بۆ یه‌كه‌مجار له‌ساڵی 1974 له‌وڵاتی ئۆگه‌ندا له‌ڕێگه‌ی زه‌رداوێك له‌ له‌شی جۆرێك له‌مه‌یمون سه‌ریهه‌ڵدا كه‌ توشی حاڵه‌تێكی جیاوازو نامۆ ده‌بوو، دواتر له‌ساڵی 1952 ئه‌وجۆره‌ ڤایرۆسه‌ گواسترایه‌وه‌ مرۆڤ و بۆ یه‌كه‌مجار له‌وڵاتی ئۆگه‌ندا كۆماری ته‌نزانیای یه‌كگرتوو سه‌ریهه‌ڵداو له‌كه‌سێكه‌وه‌ بۆ كه‌سێكی تر گواسترایه‌وه‌، دواتریش حاڵه‌ته‌كانی ڤایرۆسی زیكا له‌ئه‌مریكای لاتین و وڵاتانی ئه‌فریقاو ئاسیاو وڵاتانی ده‌وروبه‌ری زه‌ریای هێمن ده‌ركه‌وت و تۆماركرا.

نیشانه‌كانی توشبوون به‌ڤایرۆسی زیكا:
زیاتر روبه‌ڕووی منداڵ ده‌بێته‌وه‌ له‌قۆناغی تازه‌ له‌دایكبوو تاكو 4 ساڵان و له‌سه‌ره‌تاشدا نیشانه‌كانی ده‌رناكه‌وێت، به‌ڵام دواتر له‌گه‌ڵ گه‌وره‌بوونی كه‌سه‌كه‌ نیشانه‌كانی سه‌رهه‌ڵده‌ده‌ن و كاریگه‌رییه‌كانی له‌سه‌ر جه‌سته‌ی كه‌سه‌كه‌ دیاریده‌دات و ده‌رده‌كه‌وێت. هه‌روه‌كو به‌رزبوونه‌وه‌ی پله‌ی گه‌رمی له‌شی كه‌سی توشبوو به‌شێوه‌یه‌كی نائاسایی و كاریگه‌ری دروستكردن له‌سه‌ر مێشكی كه‌شی توشبوو.

*دیاریكردنی نه‌خۆشییه‌كه‌:
به‌وه‌رگرتنی نموونه‌یه‌ك له‌خوێنی كه‌سه‌كه‌و شیكاریكردنی ڤایرۆسی بۆی له‌تاقیگه‌ی تایبه‌تدا ده‌بێت، ئه‌وكات به‌بوون و نه‌بوونی ئه‌و ڤایرۆسه‌ حاڵه‌ته‌كه‌ دیاریده‌كرێت.

* رێگاكانی بڵاوبوونه‌وه‌ی:
1- له‌ڕێگه‌ی مێشێكه‌وه‌ كه‌ پێشتر ئه‌و ڤایرۆسه‌ی هه‌ڵگرتووه‌و له‌كاتی پێوه‌دان ڤایرۆسه‌كه‌ ده‌چێته‌ گیانی كه‌سه‌كه‌وه‌و توشده‌بێت.

2- له‌ڕێگه‌ی گوستنه‌وه‌ی خوێن له‌ كه‌سێكه‌وه‌ بۆ كه‌سێكی تر واته‌ كه‌سی یه‌كه‌م توشبووه‌ خوێنی لێده‌گوازرێته‌وه‌ بۆ كه‌سی دووه‌م كه‌ نه‌خۆش نیه‌و كه‌سی دووه‌م راسته‌وخۆ توشی نه‌خۆشییه‌كه‌ ده‌بێت.

3- تێكه‌ڵاوبوونی زۆری خه‌ڵك و قه‌ره‌باڵغی له‌شوێنێكدا كه‌ نه‌خۆشییه‌كه‌ی تیایدا بڵاوه‌.

چاره‌سه‌ركردن:
* خۆپاراستن و خۆبه‌دوورگرتن له‌و مێشولانه‌ی كه‌ هۆكاربن بۆ گواستنه‌وه‌ی ڤایرۆسی زیكا.
* له‌ناوبردنی ئه‌و مێشولانه‌ی كه‌ ئه‌وجۆره‌ ڤایرۆسه‌كه‌ ده‌گوازنه‌وه‌ له‌كه‌سێكه‌وه‌ بۆ كه‌سێكی تر، ئه‌ویش له‌ڕێگه‌ی ره‌شكردنی ناوچه‌ پیشه‌كان و گۆلاو و شوێنه‌كانی كه‌ بوونه‌ته‌ شوێنێكی گونجاو بۆ گه‌شه‌كردنی مێشووله‌و مێرووه‌ زیانبه‌خشه‌كان.
* كوتان دژی ڤایرۆسه‌كه‌ كه‌ ئه‌مه‌ش له‌ڕێگه‌ی ئاماده‌كردنی دژی ڤایرۆسه‌كه‌یه‌.

PUKmedia  و/ زانیار مه‌جید
س/ ئاژانسه‌كان

514111722016_234 (1).jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket