فرۆكه‌كانی هاوپه‌یمانان تیرۆرستان بۆردومان ده‌كه‌ن

تیرۆرستانی داعش پێنج كه‌سیان لێ كوژراوه‌

ئه‌مڕۆ 29-11-2015 فرۆكه‌ جه‌نگیه‌كانی هاوپه‌یمانان گوندێكی ژێر ده‌سه‌ڵاتی داعشیان بۆردومانكرد.

ره‌شاد گه‌ڵاڵی لێپرسراوی كۆمیته‌ی مه‌خمووری یه‌كێتیی نیشتمانیی كوردستان به‌ PUKmedia ی راگه‌یاند: فرۆكه‌ جه‌نگیه‌كانی هاوپه‌یمانان گوندی كه‌رمردی سه‌ربه‌ ناحیه‌ی قه‌راجیان بۆردومانكرد.

وتیشی: ئه‌و گونده‌ ده‌كه‌وێته‌ باشووری رۆژئاوای قه‌زای مه‌خموورو له‌و بۆردومانه‌دا تیرۆرستانی داعش پێنج كه‌سیان لێ كوژراوه‌و زیاتر له‌حه‌وت كه‌سیش بریندارن.

لێپرسراوی كۆمیته‌ی مه‌خموور ئاماژه‌ی به‌وه‌شدا، كه‌دواتر ئۆتۆمبیلێكی تیرۆرستانی داعش كراوه‌ته‌ ئامانج و چوار كه‌سی تێدا كوژراوه‌.

شایه‌نی باسه‌، كه‌له‌ئێستادا بۆرده‌مانی فرۆكه‌ جه‌نگیه‌كانی هاوپه‌یمانان به‌رده‌وامه‌.

PUKmedia هاژه‌ باست