رابه‌ری ته‌ریقه‌تی قادری ولیانی ده‌ست نیشانكرا

له‌لایه‌ن شێخ عه‌بدولقادر گه‌یلانیه‌وه‌ دامه‌زراوه‌

ئه‌مڕۆ 28-11-2015 له‌رێوڕه‌سمێكدا به‌ئاماده‌بوونی شێخ و مورید و رێگرانی ته‌ریقه‌تی قادری و لیانی و به‌رپرسانی حزبی و حكومی له‌شارۆچكه‌ی رۆڤیای سه‌ربه‌قه‌زای به‌رده‌ڕه‌ش ،شێخ به‌در شێخ موعته‌سه‌م وه‌ك رابه‌ری ته‌ریقه‌ته‌كه‌ ده‌ست نیشانكرا . 

شێخ به‌در شێخ موعته‌سه‌م رابه‌ری نوێی ته‌ریقه‌ته‌كه‌ به‌ PUKmedia ی راگه‌یاند : پاش كۆچی دوای باوكم و له‌سه‌ر وه‌سیه‌تی من وه‌ك رابه‌ری ته‌ریقه‌تی قادری و لیانی له‌كوردستان و عیراق و جیهان ده‌ست نیشانكراوم.

وتیشی: هه‌موو هه‌وڵێك ده‌ده‌م بۆ ئه‌وه‌ی بتوانم خزمه‌ت به‌ته‌ریقه‌تی قادری و لیانی له‌ هه‌موو جیهاندا بكه‌م . 

ته‌ریقه‌تی قادری و لیانی له‌ساڵی 1081 ی كۆچی له‌سه‌رده‌ستی شێخ عه‌بدولقادر گه‌یلانی دامه‌زراوه‌و له‌دوای كۆچی باوكیه‌وه‌ ئه‌مڕۆ شێخ به‌در به‌رزنجی وه‌ك جێنشینی ده‌ست نیشانكرا . 

PUKmedia  تایف گۆران