به‌ڤیدیۆ.. ساته‌وه‌ختی ته‌قینه‌وه‌ی خورماتوو

ته‌واوی زیانلێكه‌وتووان هاووڵاتی شیعه‌ مه‌زهه‌بن

 ئێواره‌ی ئه‌مڕۆ له‌ته‌قینه‌وه‌ی خۆكوژیدا ئۆتۆمبێلێكی بۆمبڕێژكراو به‌خاڵێكی پشكنینی هێزه‌كانی پۆلیسدا ته‌قیوه‌و به‌و هۆیه‌وه‌ 15 شه‌هیدو برینداری لێكه‌وته‌وه‌ . 

سه‌رچاوه‌یه‌كی تایبه‌ت له‌هێزه‌كانی ئاسایشی خورماتوو به‌ PUKmedia ی راگه‌یاند: له‌ئه‌نجامی ته‌قینه‌وه‌كه‌ی ئێواره‌ی ئه‌مڕۆی قه‌زای خورماتوودا كه‌ خاڵێكی پشكنینی پۆلیسی كرده‌ ئامانج ، چوار كه‌س كوژراون و 11 ی تریش برینداربوون .

وتیشی: ته‌واوی زیانلێكه‌وتووان هاووڵاتی شیعه‌ مه‌زهه‌بن و ته‌ندروستی سیانیان ناجێكره‌و برینه‌كانیان قورسن .

رونیشكرده‌وه‌: ئه‌و ئۆتۆمبێله‌ی كرده‌وه‌كه‌ی پێ ئه‌نجامدراوه‌ له‌جۆری كیابوو. 

PUKmedia  سامان یاروه‌یس 

لینكی یارمه‌تیده‌ر( بۆبینینی گرته‌ ڤیدیۆیه‌كه‌ ئێره‌ كلیك بكه‌)