riklam

شه‌نگال.. 5 گۆڕی به‌كۆمه‌ڵ ده‌ستنیشانكراوه‌‌

جینۆساید‌‌ 12:16 PM - 2015-11-28
تائێستا 5 گۆڕی به‌كۆمه‌ڵ ده‌ستنیشانكراوه‌

تائێستا 5 گۆڕی به‌كۆمه‌ڵ ده‌ستنیشانكراوه‌

لێپرسراوی مه‌ڵبه‌ندی شه‌نگال رایده‌گه‌یه‌نێت، له‌دوای ئازادكردنه‌وه‌ی شه‌نگال تائێستا 5 گۆڕی به‌كۆمه‌ڵ ده‌ستنیشانكراوه‌ كه‌ پێشبینی ده‌كرێت له‌ سه‌رو 300 ته‌رمی تێدابێت، به‌ڵام نه‌توانراوه‌ هیچ كام له‌و گۆڕه‌ به‌كۆمه‌ڵانه‌ هه‌ڵبدرێته‌وه‌.

جه‌میل خزر عه‌بداڵ  لێپرسراوی مه‌ڵبه‌ندی 15 شه‌نگالی یه‌كێتیی نیشتمانیی كوردستان به‌ PUKmedia ی راگه‌یاند: له‌دوای ئه‌وه‌ كه‌ قه‌زای شه‌نگال له‌ لایه‌ن هێزه‌كانی پێشمه‌رگه‌وه‌ ئازادكرا، به‌پێی ئه‌و به‌دواداچونانه‌ی كه‌ كراوه‌ تائێستا 5 گۆڕی به‌كۆمه‌ڵ ده‌ستنیانكراوه‌ كه‌ هه‌ڵبدرێنه‌وه‌.

 وتیشی: گۆڕی به‌كۆمه‌ڵی یه‌كه‌م له‌نزیك ناوه‌ندی پیشه‌سازیی قه‌زاكه‌یه‌ له‌ ناوچه‌ی سۆلاخ و به‌پێی پێشبیینه‌كان نزیكه‌ 76 ته‌رمی تێدایه‌، هه‌روه‌ها گۆڕی به‌كۆمه‌ڵی دووه‌م له‌هه‌مان ناوچه‌یه‌ و پێشبینی ده‌كرێت و نزیكه‌ی 60 ته‌رمی تێدابێت، له‌گه‌ڵ ئه‌وه‌شدا گۆڕێكی به‌كۆمه‌ڵی دیكه‌ ده‌ستنیشانكراوه‌ كه‌له‌ ناوچه‌ی قمێ یاه مێرگایه‌و به‌پێی زانیارییه‌كان نزیكه‌ 86 ته‌رمی تێدایه‌، ئه‌مه‌ جگه‌ له‌ئه‌وه‌ی كه‌ دوو شوێنی دیكه‌ ده‌ستنیشانكراون له‌ ناوچه‌كانی مه‌عه‌سكه‌ری قه‌زاكه‌و هه‌روه‌ها مه‌فره‌قی تل عوزێر كه‌ پێشبینی ده‌كرێت له‌ سه‌رو 100ته‌رمه‌وه‌ تێیدا بێت.


لێپرسراوی مه‌ڵبه‌ندی شه‌نگال ئه‌وه‌شی نه‌شارده‌وه‌، كه‌ دوان له‌و گۆڕه‌ به‌كۆمه‌ڵانه‌ بۆمبڕێژ كراون و تا بۆمبه‌كان پوچه‌ڵ نه‌كرێته‌وه‌ ناتواندرێت ئه‌و ته‌رمانه‌ ده‌ربهێندرێنه‌وه‌ هه‌ر ئه‌مه‌ش وایكردوه‌ كه‌ ده‌رهێنانه‌وه‌ی ته‌رمه‌كان دوابكه‌وێت.


PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket