riklam

سوریا دنافبه‌را شه‌پوڵێن هرچا سپی و كێلبێن گورگێ بوردا

بیروڕا 02:57 PM - 2015-11-25
.

.

ئیكه‌مجاره‌ بشتی شه‌رێ جیهانیێ دوویێ وه‌لاته‌كێ ئه‌ندام دقولپا ناتو دا كو ئه‌وژی توركیا (گورگێ بۆر) فروكه‌كا له‌شكه‌ری یا سوپایێ روسیا (هرچا سپی یا جه‌مسه‌رێ به‌فرین) دئێخیته‌ خوارێ، كو ئه‌وژی فروكا ژجورێ سوخوی 24 بوو ده‌مێ ب ئه‌ركێ دیفچوون و لێدانا پێگه‌هێن تیرورێ رادبوو ل ده‌ڤه‌رێن سینوریێن توركیاو سوریاو بتایبه‌تی ل هنداڤـ ده‌ڤه‌ره‌كێ كو پرانیا پێكهاتا وێ ژ توركمانێن تاكیرن بو توركیاو پاشان كوشتنا فروكه‌ڤانه‌كی ژلایێ چه‌كدارێن توركمانی ڤه‌.

جارێ هیچ جیاوازیه‌ك دنافبه‌را كوشتنا فروكه‌ڤانێ روسی ژلایێ چه‌كدارێن توركمان و كوشتنا فروكه‌ڤانێ ئوردنی مه‌عاز ئه‌ل كه‌ساسبه‌ ژلایێ داعش ڤه‌ نینه‌ تنێ دشێوه‌و سیناریویا كوشتنێ دا نه‌بیت، چما دهه‌ردوو كریارادا تنێ سلودانێن (اللـه‌ اكبر) دهاتنه‌ بهیستن و دوور نینه‌ توركیا باجه‌كا گران بده‌ت لسه‌ر هه‌ردوو كریاران، هه‌م ژبه‌ر ئێخستنا فروكێ و هه‌م ژی ل سه‌ر كوشتنا فروكه‌ڤانێ روسی، چما هیچ گومان ل جه‌م هیچ وه‌لاته‌كی نه‌مایه‌ كو توركیا بشته‌ڤانه‌كێ سه‌رسه‌ختێ كومێن تیروری یه‌ ل سوریاو نه‌خاسم ئه‌گه‌ر ئه‌و گروپه‌ توركمان بن.

هه‌لبه‌ت هه‌ر ده‌ملده‌ست بشتی ئێخستنا فروكا روسی سه‌روكێ وی وه‌لاتی فلادیمیر پوتین هوشداریه‌كا ته‌حل راگه‌هاندو خویاكر كو ئه‌ڤه‌ دربه‌كێ خیانه‌تكارانه‌ بوو هه‌ڤپه‌یمانێن تیرورێ ژ نشكاو ژبشتێ ڤه‌ داوه‌شانده‌ روسیاو ڤێ بویه‌رێ دێ ئه‌نجامێن وێرانكار لسه‌ر په‌یوه‌ندیێن موسكو و ئه‌نقه‌ره‌ هه‌بن چما وه‌كو پوتین گوتی ئه‌ڤـ كریاره‌ سه‌رپێچه‌كا زیقه‌ بو یاسا نێڤ ده‌وله‌تی، و دیاركر كو ره‌هه‌ندێن ڤێ بویه‌رێ دێ درێژ ڤه‌كێشن و (مینا كورد دبێژن ئه‌ڤـ هه‌ڤیره‌ دێ گه‌له‌ك ئاڤێ ڤه‌خۆت). دهه‌مان ده‌مدا ده‌سته‌یا ئه‌ركانێن له‌شكه‌ریێن روسی بریار دا گشت په‌یوه‌ندیێن خۆیێن له‌شكه‌ری دگه‌ل توركیا قوت بكه‌ت و دیاركر كو ئه‌و دێ بنگه‌هێن خویێن سه‌ربازی ل سوریا قایم تر لێكه‌ن و هه‌ڤده‌م دێ هه‌ر پێگه‌هه‌كێ جهێ مه‌ترسیێ بیت ل سوریا كه‌نه‌ ئارمانجا هێرشێن خۆ. دیسان وه‌زیرێ ده‌رڤه‌ یێ روسیا سه‌ره‌دانه‌كا خۆ یا فه‌رمی بو ئه‌نقره‌ راگرت و داخواز ژ هه‌ڤوه‌لاتیێن روسیا كر قه‌ستا توركیا نه‌كه‌ن و هه‌لبه‌ت ئه‌ڤێ چه‌ندێ ژی دێ ئاكامێن نه‌كتیڤ هه‌بن هه‌م ل سه‌ر ئاسایشا توركیاو هه‌م ژی لسه‌ر كه‌رتێ وێ یێ گه‌شتوگوزاری كو بربرا ئابورێ توركیا یه‌.

ڤێ بویه‌رێ و ڤان هه‌لویستێن هرچا سپی سه‌رانسه‌ری جڤاكێ نێڤ ده‌وله‌تی ڤه‌جنقاندو توشی شه‌پرزه‌یێ كرو نه‌جاركر هه‌ر زوی هه‌ولا ئارامكرنا ره‌وشێ بده‌ن و بتایبه‌تی قولپا ناتو كو گورگێ بۆر ب پاسه‌وانێ خویێ رۆژهه‌لاتی دزانیت، لێ ناهێته‌ پێشبینی كرن ناتو هه‌تا رادێ به‌ره‌ڤانیا سه‌ربازی ژ توركیا بهێته‌ دمه‌یدانێ و باشترین گروڤـ ژی ئه‌وه‌ قولپا ناتو هیچ هه‌لویسته‌ك وه‌رنه‌گرت ده‌مێ ل 20/5/2010 تیمه‌كا كوماندوزا له‌شكه‌رێ ئسرائیلی د ئاڤا نیڤده‌وله‌تیدا ل به‌رامبه‌ر كنارێن فه‌لستین هێرش كریه‌سه‌ر پاپورا مه‌رمه‌ره‌ یا توركی، وی ده‌می قولپا ناتو ته‌نها هوشداریه‌ك ژی نه‌ دا ئیسرائیل ئه‌ڤجا ب چ لوژیكه‌ك ناتو خۆ بكه‌ته‌ لایه‌ن دشه‌ره‌كی دا ل هه‌مبه‌ر هرچا سپی..! هه‌ر چاوا بیت كاریگه‌ری و ره‌هه‌ندێن ڤێ بویه‌رێ و تول و تولڤه‌كرن ژ توخیبێن سوریا بخۆ ده‌رناكه‌ڤن دگه‌ل هنده‌ك پێرابوونێن ستراتیجیێن روسیا یێن ئابوری ل دژی توركیا.

دیاره‌ ئابورێ توركیا بشت به‌ستیه‌كا خورت ب نه‌فت و گازا روسیاو ئیرانێ دكه‌ت و هه‌ر گوهرینه‌كا موسكو د وی بیاڤیدا ئه‌نجام بده‌ت دێ گورگێ بۆر بێ كێلب و په‌نج هێلیت و ئێخیته‌ د ره‌وشه‌كا ئابوریا زورا خراب دا، دیسان دگوره‌پانا شه‌ری دا كو ئاخا سوریایه‌ دێ روسیا هه‌ولده‌ت هه‌می وان لایه‌نێن توركیا بشته‌ڤانیێ لێ دكه‌ت نه‌هێلیت و دئایندێ سوریێ ژی دا چ رولێ خۆ نه‌بیت، هه‌ر وه‌سا بدویر ناهێته‌ زانین روسیا هه‌ولا گوهرینه‌كا دیموگرافی دناف سوریادا بكه‌ت ل سه‌ر كیستێ توركمانا. ژلایه‌كێ دیڤه‌ ئه‌ڤـ كریاره‌و هه‌لویستێن روسیا دێ بنه‌ سه‌ده‌م كو چه‌ندین وه‌لاتێن دی پێداچونه‌كێ د بریارێن خۆدا بكه‌ن ده‌رباری به‌شداریێ دشه‌رێ دژی تیرورێداو بتایبه‌تی بشتی بویه‌رێن 13/11 یێن پاریس كو هه‌ڤده‌نگیه‌كا نیڤده‌وله‌تی ل ئارابوو سه‌باره‌ت بشته‌ڤانیێ بو فره‌نساو دبیت داعش و خویشكێن وێ ب ڤێ كریارێ و كارڤه‌دانێن وێ خوشحال ببن. كه‌واته‌ شه‌ر دێ ل سوریا گه‌رموگورتر لێ هێت و بو ئاینده‌كێ دوور ڤه‌دیتنا چاره‌سه‌ریا دێ بزه‌حمه‌ت كه‌ڤیت و لایه‌نێن هه‌ڤرك بتایبه‌تی هرچا سپی و گورگێ بۆر دێ هه‌می حساباتێن خۆ لسه‌ر ئاخا سوریێ و لسه‌ر كیستێ خوین و ژیانا خه‌لكێ وی وه‌لاتی چاره‌كه‌ن. یا ژهه‌میێ زێده‌تر دهێته‌ پێشبینی كرن ئه‌وه‌ موسكو گورگێ بۆر راكێشیته‌ دشه‌ره‌كێ دوومدرێژو وێرانكار داو هه‌تا ئه‌ردوغان ده‌همه‌نێن خۆ هه‌لدده‌ت و هه‌ولا خۆ قورتالكرنێ دده‌ت، ده‌م بسه‌رڤه‌ چوبیت.

زه‌كی قبلان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket