دادوه‌ری شه‌رعی داعش له‌ موسڵ كوژرا

له‌ بۆردومانێكی فڕۆكه‌ جه‌نگییه‌كانی عیراقدا ده‌یان تیرۆرستی داعش كوژران و برینداربوون

له‌ بۆردومانێكی فڕۆكه‌ جه‌نگییه‌كانی عیراقدا ده‌یان تیرۆرستی داعش كوژران و برینداربوون كه‌ له‌ناو كوژراوه‌كاندا دادوه‌ری شه‌رعی ئه‌و رێكخراوه‌ تیرۆرستیه‌ له‌ موسڵ هه‌یه‌.

خانه‌ی راگه‌یاندنی جه‌نگی عیراق له‌ به‌یاننامه‌یه‌كدا رایگه‌یاند: هێزه‌ ئاسمانییه‌كان به‌ هه‌ماهه‌نگی له‌گه‌ڵ ده‌زگای هه‌واڵگری فیدرِاڵی له‌ ده‌روازه‌ی هێڵی شه‌مه‌نده‌فه‌ری گوندی ئه‌بونه‌سیف هێرشێكیان ئه‌نجامدا.

ئاشكراشیكرد له‌و هێرشه‌ ئاسمانیه‌دا ده‌یان تیرۆرست كوژراون و برینداربوون، له‌ناو كوژراوه‌كانیشدا دادوه‌ری گشتی داعش له‌ موسڵ هه‌یه‌.

وتیشی: فڕۆكه‌ f16 ی عیراق پیلانێكی تیرۆرستانیان تێكداوه‌و ژماره‌یه‌ك ژێر زه‌مینی داعشیان خاپوركردوه‌ كه‌ چه‌ندین جۆری چه‌ك و ته‌قه‌مه‌نی و بۆمبی چێندراوی تێدا هه‌ڵگیرابوو.

PUKmedia رۆژنامه‌ی وه‌ته‌ن