فه‌رید ئه‌سه‌سه‌رد: یه‌كێتی خاوه‌ن هه‌ڵوێستی سیاسی خۆیه‌تی

فه‌رید ئه‌سه‌سه‌رد ئه‌ندامی سه‌ركردایه‌تی یه‌كێتی

ئه‌ندامێكی سه‌ركرادایه‌تی رایده‌گه‌یه‌نێت یه‌كێتی سوره‌ له‌سه‌ر هه‌ڵوێسته‌ سیاسیه‌كانی خۆی، وتیشی: كۆبوونه‌وه‌ی چوار لایه‌نه‌كه‌ بۆ وه‌رگرتنی بڕیارێكه‌ سه‌باره‌ت به‌ ئه‌نجامی كۆبوونه‌وه‌ پێنج قۆڵیه‌كه‌ له‌سه‌ر پرسی هه‌مواری یاسای سه‌رۆكایه‌تی هه‌رێم.

فه‌رید ئه‌سه‌سه‌رد ئه‌ندامی سه‌ركردایه‌تی یه‌كێتیی نیشتمانیی كوردستان رایگه‌یاند: كۆبوونه‌وه‌ی ئه‌مڕۆی نێوان چوار لایه‌نه‌كه‌ (یه‌كێتی، گۆڕان، یه‌كگرتوو، كۆمه‌ڵ) بۆ وه‌رگرتن و گه‌یشتن به‌ بڕیارێكی هاوبه‌شه‌ سه‌باره‌ت به‌ كۆبوونه‌وه‌ پێنج قۆڵیيه‌كان.

وتیشی: كۆبوونه‌وه‌ پێنج قۆڵیه‌كان تایبه‌ت به‌ پرسی سه‌رۆكایه‌تی هه‌رێم تائێستا ئه‌نجامێكی ئه‌وتۆی نه‌بووه‌، ئه‌و كۆبونه‌وه‌یه‌ی كه‌ بڕیاره‌ رۆژی یه‌كشه‌ممه‌ی داهاتوو 6-9-2015 له‌  نێوان ئه‌و لایه‌نانه‌دا ئه‌نجامبدرێت و پێده‌چێت كۆبوونه‌وه‌یه‌كی یه‌كلایكه‌ره‌وه‌بێت.

ئه‌و ئه‌ندام سه‌ركردایه‌تیه‌ راشیگه‌یاند: یه‌كێتی خاوه‌ن هه‌ڵوێستی سیاسی خۆیه‌تی و سوره‌ كار به‌و پڕۆژه‌یه‌ ده‌كات كه‌ له‌ په‌رله‌مان پێشكه‌شی كردوه‌.

PUKmedia كه‌ناڵی گه‌لی كوردستان