حاجیانی سلێمانی به‌ره‌و مه‌ككه‌ به‌ڕێكه‌وتن

یه‌كه‌م كاروانی حاجیانی شاری سلێمانی له‌ 360 حاجی پێكده‌هات

ئێواره‌ی دوێنێ یه‌كه‌م كاروانی حاجیانی شاری سلێمانی بۆئه‌نجامدانی فه‌ریزه‌ی حه‌ج به‌ره‌و وڵاتی سعودیه‌ به‌ڕێكه‌وتن و ئه‌مڕۆش 2-9-2015 دووه‌م كاروانی حاجیان به‌ڕێبكه‌ون.

دانا محه‌مه‌د به‌ڕێوه‌به‌ری راگه‌یاندنی فڕۆكه‌خانه‌ی نێوده‌وڵه‌تی سلێمانی به‌ PUKmedia ی رایگه‌یاند: ئێواره‌ی دوێنێ یەکەم کاروانی حاجیانی سلێمانی لە فڕۆكه‌خانه‌ی نێوده‌وڵه‌تی سلێمانیه‌وه‌ بۆئه‌نجامدانی فەریزەی حەج به‌ره‌و عەرەبستانی سعودی به‌ڕێكه‌وتن.

وتیشی:  كاروانه‌كه‌ ‌ له‌ 360 حاجییە پێكهاتبوو و ئه‌مڕۆش دووه‌م كاروانی حاجیان كه‌پێكهاتبووه‌ له‌ 360 حاجی به‌ره‌و وڵاتی سعودیه‌ به‌ڕێده‌كه‌ون.

ئاشكراشیكرد كه‌ كاروانی سێیه‌م و چواره‌م و پێنجه‌م رۆژانی 3-4-5/9 كه‌ هه‌ریه‌كه‌یان له‌ 360 حاجی پێكدێت به‌ره‌و سعودیه‌ به‌ڕێده‌كه‌ون.

PUKmedia حه‌عفه‌ر جه‌لالی