هه‌وڵه‌كان بۆ به‌جینۆساید ناساندنی كه‌یسی ئێزدیه‌كان به‌رده‌وامه‌

پێشوازی كرد له‌ سه‌رۆكی پێشووی دادگای تاوانی نێوده‌وڵه‌تی

ئه‌مڕۆ 30-8-2015 مه‌حمود حاجی ساڵح وه‌زیری كاروباری شه‌هیدان و ئه‌نفالكراوان پێشوازی كرد له‌ لویس مورانو سه‌رۆكی پێشووی دادگای تاوانی نێو ده‌وڵه‌تی ICC و تیمێكی هاورێی كه‌ له‌ چه‌ند شاره‌زایه‌كی بواری رۆژنامه‌گه‌ری و فلمسازی و شاره‌زا له‌ بواری جیۆساید.

له‌ سه‌ره‌تای دیداره‌كه‌دا وه‌فدی میوان ئامانجی سه‌ردانه‌كه‌یان بۆ هه‌رێمی كوردستان خسته‌ڕوو كه‌ ده‌یانه‌وێ هاوكاربن بۆ ناساندنی كه‌یسی جینۆساید كردنی كوردانی ئێزدی و پێكهاته‌ نه‌ته‌وه‌یی و ئایینه‌كانی تر و جوڵاندنی ئه‌و كه‌یسه‌ له‌ دادگای تاوانی نێو ده‌وڵه‌تی، له‌پاڵ ئه‌وه‌شدا ده‌یانه‌وێ له‌ رێگای ئه‌و شاره‌زاییه‌ی هه‌یانه‌ هاوكاربن بۆ دیكۆمێنت كردنی ئه‌وكه‌یسه‌ به‌ ستانداری جیهانی.

له‌لایه‌ن خۆیه‌وه‌ وه‌زیری كاروباری شه‌هیدان و ئه‌نفالكراوان دوای ئه‌وه‌ی به‌ناوی لیژنه‌ی ناساندنی جینۆسایدی كوردانی ئێزدی و پێكهاته‌ نه‌ته‌وه‌یی و ئاینه‌كانی تر به‌خێرهاتنی كرد و ده‌ست خۆشی ئه‌و ئه‌ركه‌ی لێكردن كه‌ هه‌وڵی بۆ ده‌ده‌ن، هه‌روه‌ها كورته‌یه‌كی له‌باره‌ی هه‌وڵه‌كانی حكومه‌تی هه‌رێمی كوردستان بۆ به‌نێو نه‌ته‌وه‌ی كردنی جینۆسایدی كوردانی ئێزدی و پێكهاته‌  نه‌ته‌وه‌ی و ئاینه‌كاتی تر كه‌ له‌رێگای ئه‌و لیژنه‌ باڵایه‌ی بۆ ناساندنی جینۆساید پێكی هێناوه‌ كرد و پێی راگه‌یاندن كه‌ له‌رێگای سه‌نته‌رێكی كۆكردنه‌وه‌ی دیكۆمێنت كردنی زیاتر له‌ 300 كه‌سی تایبه‌تی به‌كوردانی ئێزدی ئاماده‌كراوه‌ و كراوته‌ لائیحه‌و له‌رێگایه‌وه‌ له‌ دادگای تاوانی نێوده‌وڵه‌تی داوای یاسایی له‌سه‌ر سه‌رانی داعش تۆمار كراوه‌ و هه‌رچه‌نده‌ به‌نوسراو دادگای تاوانی نێو ده‌وڵه‌تی وه‌ڵامی لیژنه‌كه‌ی داوه‌ته‌ كه‌ ئه‌و دۆسیه‌یان وه‌رگرتووه‌، به‌ڵام تاكو ئێستا ئه‌و كه‌یسه‌ی نه‌جوڵاندوه‌ به‌هۆی ئه‌ندام نه‌بوونی عیراق له‌ دادگای ناوبراو و له‌كاتی سه‌ردانی لیژنه‌كه‌ بۆ دادگای ناوبراو ئه‌و رێگایانه‌یان بۆ ره‌وشه‌ن كردینه‌وه‌ كه‌ له‌ رێگایانه‌وه‌ ده‌توانین ئه‌و كه‌یسه‌ بجوڵێنین و هیوادارین كه‌ ئێوه‌ش له‌رێگای شاره‌زاییتان بتوانن هاوكار بن بۆ ئه‌م بابه‌ته‌.

له‌ ته‌وه‌رێكی تری  قسه‌كانیدا وه‌زیری كاروباری شه‌هیدان وئه‌نفالكراوان پێی راگه‌یاندن كه‌ كه‌یسی جینۆسایدی كوردانی ئێزدی كه‌یسێكی جیهانی و ده‌بوو وڵاتانی دونیا كه‌ ئێستا له‌و شه‌ڕه‌دا هاوكاری هه‌رێمی كوردستان هاوكار بونایه‌ بۆ جوڵاندنی ئه‌و كه‌یسه‌، چونكه‌ ده‌كرێ ئه‌و كه‌یسه‌ له‌لایه‌ن وڵاتان له‌ نه‌ته‌وه‌یه‌كگرتووه‌كان  بجوڵێندرێت و تاوانه‌كانی داعشی تاوانی دیار و زه‌قت.

هه‌ر له‌و كۆبوونه‌وه‌یه‌دا وه‌زیری كاروباری شه‌هیدان و ئه‌نفالكراوان له‌گه‌ڵ سه‌رۆكی پێشووی دادگای تاوانی نێو ده‌وڵه‌تی و تیمی هاورێی به‌ درێژی باسیان له‌ چۆنێتی كاركردن له‌سه‌ر دیكۆێنت كردن و به‌به‌ڵگه‌ كردنی ئه‌و تاوانانه‌ی دژی كوردانی ئێزدی كراون كرد هه‌ردوولا ته‌ئكیدیان له‌ هاوكاری یه‌كتری كرده‌وه‌ به‌تایبه‌تی بۆ ده‌رهێنانی فلیمی دیكۆمێنتاری له‌سه‌ر تاوانی جێنۆساید.

PUKmediaراگه‌یاندنی وه‌زاره‌تی شه‌هیدان