له‌باكوری كوردستان هێرشده‌كرێته‌ سه‌ر سوپای توركیا

زیانی گیانی و ماددی له‌ سوپای توركیا هه‌یه‌

شه‌ڕێكی قورس له‌ ناوچه‌ی ئاگرێ - بیازیت له‌باكوری كوردستان له‌نێوان گه‌ریلا و سوپای توركیا ده‌ستپێكردوه‌و له‌لایه‌ن گه‌ریلاوه‌ به‌هاوه‌ن بۆردومانی سه‌ربازگه‌كانی سوپای توركیا ده‌كرێت و تاكو ئێستا شه‌ڕ به‌رده‌وامه‌ . 

سه‌رچاوه‌یه‌ك له‌هێزه‌كانی گه‌ریلا به‌ PUKmedia ی راگه‌یاند: له‌ئێواره‌ی ئه‌مڕۆ هێزه‌كانی گه‌ریلا ده‌ستیان به‌ ئه‌نجامدانی چه‌ند چالاكیه‌ك كردوه‌و گرنگترینیان روبه‌ڕووبونه‌وه‌ بووه‌ له‌ناوچه‌ی ئاگرێ - بیازیت و شه‌ڕێكی قورس تا ئه‌م ساته‌ به‌رده‌وامه‌ .

وتیشی: هاوكات له‌ناوچه‌ی بینگۆڵ ئۆتۆمبێلێكی جاندرمه‌ی توركیا تێكشكێنراوه‌و دوو سه‌ربازی توركیا كوژراون و له‌ئامه‌دیش هێرشكراوه‌ته‌ سه‌ر سه‌ربازگه‌یه‌كی سوپای توركیا . 

PUKmedia سامان یاروه‌یس