گه‌ریلا شه‌نگال بۆ داعش ده‌كاته‌ دۆزه‌خ

ژماره‌یه‌ك تیرۆرست كوژراون

له‌ساڵیادی كاره‌ساتی شنگالدا هێزه‌كانی گه‌ریلا و هێزه‌كانی شه‌هید خه‌یری له‌ گه‌ڕه‌كه‌كانی ناو قه‌زای شه‌نگال چه‌ند چالاكیه‌كیان ئه‌نجامداوه‌و نزیكه‌ی 15 تییرۆرست كوژراون. 

سه‌رچاوه‌یه‌ك له‌ سه‌نگه‌ره‌كانی پێشمه‌رگه‌ و گه‌ریلا له‌ قه‌زای شه‌نگال به‌ PUKmedia ی راگه‌یاند: له‌گه‌ڕه‌كی بارێ و سێلێ دوای چاودێریكردنی جوڵه‌ی تیرۆرستان به‌رۆكێت هێرشكراوه‌ته‌سه‌ر تیرۆرستان و زیانی زۆریان ڵێگه‌یه‌نراوه‌. 

وتیشی: هه‌روه‌ها له‌ ناوه‌ندی قه‌زاكه‌ به‌ قه‌ناس و دۆشكه‌ و ئاربیجی ته‌قه‌ له‌ تیرۆرستان كراوه‌و ئۆتۆمبێلێكیان سوتێنراوه‌ كه‌ پێده‌چێت حه‌وت تیرۆرستی تێدابێت و هه‌موویان كوژرابن. 

رونیشكرده‌وه‌: به‌هۆی ئه‌و چالاكیانه‌وه‌ داعش له‌ناو قه‌زای شه‌نگال شپرزه‌ بووه‌و بۆ زیاتر له‌ یه‌ك سه‌عات هیچ جوڵه‌و ده‌ركه‌وتنێكیان نه‌بووه‌. 

PUKmedia  سامان یاروه‌یس