خوێندنی باڵا رێز له‌قوربانیانی كاره‌ساتی شه‌نگال ده‌گرێت

.

بۆ رێزگرتن له‌گیانی قوربانیانی كاره‌ساتی شه‌نگال، هاوشانی ده‌زگاو دامه‌زراوه‌كانی تری هه‌رێمی كوردستان و له‌ساڵیادی كاره‌ساتی شه‌نگالدا، به‌ئاماده‌بوونی راوێژكاران و به‌ڕێوه‌به‌ره‌ گشتییه‌كانی و سه‌رجه‌م فه‌رمانبه‌رانی دیوانی وه‌زاره‌تی خوێندنی باڵاو توێژینه‌وه‌ی زانستی، له‌به‌رده‌م باڵه‌خانه‌ی وه‌زاره‌ت وه‌ك وه‌فایه‌ك و رێزگرتنێك بۆ گیانی قوربانیانی كاره‌ساتی شه‌نگال، بۆ ماوه‌ی پێنچ خوله‌ك بێده‌نگیان نواندو هاوخه‌می و سه‌ره‌خۆشی خۆیان بۆ كه‌سوكاری شه‌هیدان و جینۆسایدكراوانی ئه‌و كاره‌ساته‌ ده‌بڕی.

جێی باسه‌، له‌ڕێكه‌وتی 3-8-2014 رێكخراوی تیرۆرستی داعش هێرشیان كرده‌سه‌ر ئه‌و شاره‌و گونده‌كانی ده‌وروبه‌ری و به‌شێوه‌یه‌كی زۆر دڕندانه‌ ده‌ستیان به‌سه‌ر شه‌نگالدا گرت و ژماره‌یه‌كی زۆری خه‌ڵكی سنوره‌كه‌یان به‌تایبه‌ت له‌كوردانی ئێزیدی جینۆسایدو ده‌ستگیركردو به‌هه‌زاران كه‌سی تریشیان ئاواره‌و ده‌ربه‌در كرد.

PUKmedia راگه‌یاندنی وه‌زاره‌تی خوێندنی باڵاو توێژینه‌وه‌ی زانستی