ستیان له‌ هۆنگ كۆنگ هه‌را ده‌نێته‌وه‌

ژنێك به‌ناوی نگ لای یینگ به‌ ستیان په‌لاماری پۆلیسێكی داوه‌

له‌ میانی خۆپیشاندانێك له‌ وڵاتی هۆنگ كۆنگ ژنێك به‌ناوی نگ لای یینگ به‌ ستیان په‌لاماری پۆلیسێكی داوه‌و دادگاش سزای سێ مانگ و نیو زیندانی به‌سه‌ر ژنه‌كه‌دا سه‌پاندووه‌.

به‌ ده‌یان پیاو و ژنی هۆنگ كۆنگ به‌ له‌به‌ركردنی ستیان پشتیوانیان بۆ نگ لای یینگ ده‌ربڕی و ناڕه‌زایه‌تی خۆیان له‌و بڕیاره‌ی دادگا ده‌ربڕی.

نگ لای یینگ ته‌مه‌ن 30 ساڵان له‌وباره‌یه‌وه‌ راده‌گه‌یه‌نێت كه‌ ئه‌و پۆلیسه‌ ویستویه‌تی جانتاكه‌ی بفڕێنێت و پۆلیسه‌كه‌ی ده‌ستی بۆ مه‌مكی بردووه‌و ده‌ستدرێژی كردۆته‌ سه‌ری و له‌به‌رامبه‌ردا پۆلیسه‌كه‌ وێڕای ره‌تكردنه‌وه‌ی قسه‌ی ژنه‌كه‌ رایگه‌یاندووه‌ ئه‌و ژنه‌ به‌ ئه‌نقه‌ست به‌ ستیان هێرشی كردۆته‌ سه‌ر.


دادگای هۆنگ كۆنگ نگ لای یینگ-ی به‌ سێ مانگ و نیو زیندان سزاداوه‌. 

PUKmedia  وه‌رگێڕان/ جه‌واد حه‌یده‌ری
سه‌رچاوه‌/ بی بی سی