سلێمانی.. پێنج لایه‌نه‌كه‌ كۆده‌بنه‌وه‌

پێنج لایه‌نه‌كه‌ كۆده‌بنه‌وه

بڕیاره‌ كه‌مێكی دیكه‌ نوێنه‌ری هه‌ریه‌ك له‌ یه‌كێتی و گۆڕان و پارتی و كۆمه‌ڵ و یه‌كگرتوو، له‌ باره‌گای كۆمه‌ڵی ئیسلامی له‌سلێمانی كۆببنه‌وه‌.

حاكم قادر حه‌مه‌جان ئه‌ندامی ده‌سته‌ی كارگێڕی مه‌كته‌بی سیاسیی یه‌كێتیی نیشتمانیی كوردستان به‌ PUKmedia ی راگه‌یاند: بڕیاره‌ كه‌مێكی دیكه‌ هه‌ر پێج لایه‌ن له‌ باره‌گای كۆمه‌ڵی ئیسلامی له‌سلێمانی كۆببنه‌وه‌.

 وتیشی: كۆبوونه‌وه‌كه‌ درێژه‌ پێده‌ری كۆبوونه‌وه‌كانی رابردووه‌، كه‌له‌ نێوان پێنج لایه‌نه‌كه‌دا ئه‌نجامدراوه‌.

راشیگه‌یاند: بڕیاره‌ له‌ كۆبوونه‌وه‌كه‌دا باسی ئه‌و پرسه‌ هه‌نوكه‌ییانه‌ بكرێت كه‌ له‌ئێستادا له‌ هه‌رێمی كوردستادا بوونی هه‌یه‌، به‌تایبه‌ت پرسی سه‌رۆكی هه‌رێم و گه‌یشتنی لایه‌نه‌كان به‌ سازدانی نیشتمانی له‌سه‌ر پرسه‌كان.

PUKmedia دیار ستار