باكورو باشورو رۆژهه‌ڵات به‌ گیان به‌رگری له‌ خاكی رۆژئاوا ده‌كه‌ن

زیاتر له‌ پێنج هه‌زارو 400 شه‌ڕڤانی پارچه‌كانی كوردستان له‌ ریزی شه‌ڕڤانانی یه‌په‌گه‌و یه‌په‌ژه‌دان

زیاتر له‌ پێنج هه‌زارو 400 شه‌ڕڤانی پارچه‌كانی كوردستان له‌ ریزی شه‌ڕڤانانی یه‌په‌گه‌و یه‌په‌ژه‌دان ئه‌وه‌ جگه‌ له‌و شه‌ڕڤانه‌ بیانیانیانه‌ی كه‌ به‌رگری له‌ خاكی رۆژئاوای كوردستان ده‌كه‌ن.

به‌گوێره‌ی راپۆرتێكی رۆژنامه‌ی زه‌مانی توركی  پێنج هه‌زارو 400 شه‌ڕڤانی باكوری كوردستان له‌ ریزی هێزه‌كانی یه‌په‌گه‌دان.

به‌پێی هه‌مان راپۆرت له‌و ژماره‌یه‌ 173 شه‌ڕڤان شه‌هیدو 600 شه‌ڕڤانی تریش برینداربوون.

به‌پێی ئامارێك كه‌ له‌ ئاسایشی رۆژئاواوه‌ ده‌ست PUKmedia كه‌وتووه‌ 600 كوردى باشورو 300 كوردی رۆژهه‌ڵات و 500 شه‌ڕفانی بیانی و سێ هه‌زار  چه‌كداری ئاشوری (مه‌سیحی) له‌ناو ریزه‌كانی یه‌به‌كه‌ شه‌رده‌كه‌ن.

هاوكات شه‌ش هه‌زار شه‌ڕڤانی ژن له‌ ریزی هێزه‌كانی یه‌په‌ژه‌دا هه‌ن، جگه‌ له‌ بوونی 12 هه‌زار هێزی ئاسایش له‌ هه‌ردوو كانتۆنی كۆبانێ و جزیره‌.

PUKmedia هۆزان فاتیح