كه‌سێك گیانله‌ده‌ستده‌دات و دووانیش بریندارده‌بن

به‌هۆی پابه‌ندنه‌بوون به‌ رێنماییه‌كانی هاتوچۆو تیژڕه‌وییه‌وه‌ بووه‌

ئه‌مڕۆ 23-5-2015 له‌ڕێگه‌ی گشتی نێوان سلێمانی - دوكان دوو رووداوی هاتوچۆ روویانداوه‌.

له‌وباره‌یه‌وه‌ مفه‌وه‌ز بڕیار مه‌ولود رێپێدراوی هاتوچۆ له‌ به‌ڕێوه‌به‌رایه‌تی هاتوچۆی دوكان به‌ PUKmedia ی راگه‌یاند: ئه‌مڕۆ دوای ئاگاداركردنه‌وه‌مان له‌ دوو رووداوی هاتوچۆ له‌ڕێگه‌ی گشتی نێوان سلێمانی - دوكان، راسته‌وخۆ گه‌یشتینه‌ شوێنی رووداوه‌كه‌و ده‌ركه‌وت كه‌ دوو ئۆتۆمبێل وه‌رگه‌ڕاون.

وتیشی: له‌ئه‌نجامی ئه‌و دوو رووداوه‌دا، له‌ ئۆتۆمبێلی یه‌كه‌مدا ژنێكی خه‌ڵكی بێتواته‌ی سنوری رانیه‌ گیانی له‌ده‌ستداوه‌، هه‌روه‌ها له‌ ئۆتۆمبێله‌كه‌ی تریش دوو هاووڵاتی برینداربوون كه‌ خه‌ڵكی سابوراوان.

راشیگه‌یاند: هه‌ردوو رووداوه‌كه‌ به‌هۆی پابه‌ندنه‌بوون به‌ رێنماییه‌كانی هاتوچۆو تیژڕه‌وییه‌وه‌ بووه‌.

PUKmedia  شاڵاو ئه‌حمه‌د