لۆگۆ نوێیه‌كه‌ی كۆمسیۆنی باڵای سه‌ربه‌خۆی هه‌ڵبژاردن و راپرسی

لۆگۆ نوێیه‌كه‌

لۆگۆی (كۆمسیۆنی باڵای سه‌ربه‌خۆی هه‌ڵبژاردن و راپرسی) ده‌گۆڕدرێت.

سه‌باره‌ت به‌ گۆڕینی لۆگۆی كۆمسیۆنی باڵای سه‌ربه‌خۆی هه‌ڵبژاردن و راپرسی، مه‌حمود خۆشناو كه‌ لۆگۆ نوێیه‌كه‌ی دروستكردووه‌ ماناو ورده‌كاری لۆگۆكه‌ی بۆ PUKmedia روونكرده‌وه‌و وتی: پیتی یه‌كه‌می كوردستانه‌ (ك)، كافه‌كه‌م به‌شێوه‌یه‌ك دیزاین كردووه‌ كه‌ گوزارشت بكات له‌ خه‌ڵك و خاكی كوردستان، بۆیه‌ كافه‌كه‌م (ك) كرد به‌ ئاڵای كوردستان و كه‌مێك جوڵاندومه‌و چوه‌ته‌ ناو سه‌ندوقی ده‌نگدان.

وتیشی: جگه‌ له‌ ره‌نگه‌كانی ئاڵای كوردستانیش، له‌سه‌ر خواستی سه‌رۆك و جێگرو كۆی ئه‌ندامانی كۆمسیۆنی هه‌ڵبژاردن، ره‌نگی شین (ره‌نگی نه‌ته‌وه‌ یه‌كگرتووه‌كان) بڕیاری له‌سه‌ردرا. هه‌ربۆیه‌ به‌ دیقه‌تێكی زۆره‌وه‌ ئه‌م ره‌نگی شینه‌ كه‌ له‌ سه‌ندوقه‌كه‌دا به‌كارهاتووه‌، هه‌مان ره‌نگی نه‌ته‌وه‌ یه‌كگرتووه‌كانه‌ به‌ بێ‌ كه‌م و زیاد.

PUKmedia تایبه‌ت