%81 فه‌ره‌نسییه‌كان له‌ هۆلاند ناڕازین

فرانسوا هۆلاند

به‌پێی راپرسییه‌ك 81% فه‌ره‌نسییه‌كان له‌ سیاسه‌ته‌كانی فرانسوا هۆلاند سه‌رۆكی ئه‌و وڵاته‌ نارِازین و پێیان خۆش نییه‌ كه‌ ئه‌و جارێكی دیكه‌ ببێته‌وه‌ به‌ سه‌رۆكی فه‌ره‌نسا.

به‌پێی هه‌واڵێكی ئاژانسی رۆیته‌رز ده‌زگای (سی ئێس ئه‌ی) له‌راپرسییه‌كدا ده‌ریخستووه‌ كه‌ 81% هاووڵاتیانی فه‌ره‌نسی له‌ سیاسه‌ته‌كانی فرانسوا هۆلاند سه‌رۆكی فه‌ره‌نسا به‌ تایبه‌تی له‌بواری ئابوریدا نارِازین و حه‌زناكه‌ن هۆلاند جارێكی دیكه‌ له‌سه‌ر كورسی سه‌رۆكایه‌تی ئه‌و وڵاته‌ دابنیشتێت.

به‌شداربووانی راپرسییه‌كه‌ ئاماژه‌یان به‌وه‌ كردووه‌ كه‌ فه‌ره‌نسا له‌بارودۆخێكی خراپی ئابوریدایه‌و هۆلاند نه‌یتوانیوه‌ قه‌یرانی ئابوری و قه‌یرانی بێكاری له‌و وڵاته‌دا چاره‌سه‌ر بكات هه‌رچه‌ند پێشتر به‌ڵێنی چاره‌سه‌ركردنیانی دابوو.

جێی باسه‌ هه‌رچه‌ند زیاتر له‌ ساڵێك به‌سه‌ر سه‌رۆكایه‌تییه‌كه‌ی هۆلاند داتێده‌په‌رِێت، به‌ڵام نه‌یتوانیوه‌ به‌ڵێنه‌كانی خۆی بباته‌سه‌ر، به‌پێی راپرسییه‌ك 81% هاووڵاتیانی فه‌ره‌نسی له‌ سه‌رۆكی وڵاته‌كه‌یان نارِازین و ده‌خوازن كه‌ بۆ خولی داهاتوو خۆی بۆ پۆستی سه‌رۆك كۆماری كاندید نه‌كاته‌وه‌.

پێشتریش هۆلاند رایگه‌یاندبوو: ئه‌گه‌ر ئاستی بێكاری له‌ فه‌ره‌نسا دانه‌به‌زێت ئه‌وه‌ له‌ هه‌ڵبژاردنه‌ سه‌رۆكایه‌تییه‌كه‌ی فه‌ره‌نسا كه‌ برِیاره‌ له‌ ساڵی 2017 به‌رِێوه‌بچێت به‌شداری ناكات.

PUKmedia   وه‌رگێرِان/ جه‌واد حه‌یده‌ری 
سه‌رچاوه‌/ ئاژانسی ئیسنا