ئه‌مریكا سزای فه‌ره‌نسا ده‌دات

له‌و وڵاتانه‌ بازرگانی به‌ چه‌ندین ملیۆن دۆلاره‌وه‌ كردووه‌

دادگای فیدراڵی ئه‌مریكی بانكێكی فه‌ره‌نسی به‌ تاوانی پێشێلكردنی سزاكان و سه‌رمایه‌گوزاری له‌ وڵاتانی ئێران و كوبا و سودان، سزا دا.

پاش ئه‌وه‌ی كه‌ ده‌ركه‌وتووه‌ بانكی (بی ئێن پی) فه‌ره‌نسی به‌ نهێنی سزاكانی سه‌ر وڵاتانی ئێران و كوباو سودانی پێشێلكردووه‌و له‌و وڵاتانه‌ سه‌رمایه‌گوزاری كردووه‌، دادگای فیدراڵی ئه‌مریكا ئه‌و بانكه‌ی به‌ برِی 8 ملیار و 900 ملیۆن دۆلار غه‌رامه‌ كرد.

بانكی ( بی ئێن پی) تاوانباره‌ به‌وه‌ی كه‌ پێشێلی سزاكانی سه‌ر ئێرانی كردووه‌و ملیۆنه‌ها دۆلاری سه‌رمایه‌گوزاری له‌ ئێران و سودان و كوبا، بارزگانی پێوه‌كردووه‌.

هاوكات وه‌زاره‌تی دادی ئه‌مریكا رایگه‌یاندووه‌ كه‌ بانكی بی ئێن پی فه‌ره‌نسی ده‌بێت له‌ 5 ساڵی داهاتوودا 140 ملیۆن دۆلار بۆ گۆرِینی سیاسه‌ته‌كانی خۆی له‌ بواری بانكیدا ته‌رخان بكات.

PUKmedia    وه‌رگێرِان/ جه‌واد حه‌یده‌ری
سه‌رچاوه‌/ ir.voanews