له‌ساڵیادی سه‌ركه‌وتنه‌ مه‌زنه‌كه‌دا خه‌ڵات به‌خشرایه‌ كادرانی یه‌كێتی

له‌ساڵیادی هه‌ڵبژاردنه‌كانی په‌رله‌مانی عیراق و ئه‌نجومه‌نی پارێزگاكان

له‌ ساڵیادی هه‌ڵبژاردنه‌كانی په‌رله‌مانی عیراق و ئه‌نجومه‌نی پارێزگاكاندا وه‌فدێكی ده‌زگای هه‌ڵبژاردنی یه‌كێتیی نیشتمانیی كوردستان سه‌ردانی مه‌ڵبه‌ندی رێكخستنی هه‌ولێریان كردوو خه‌ڵاتی رێزلێنانیان پێ به‌خشین.

ئه‌مڕۆ به‌رواری 30/4/2015 وه‌فدێكی ده‌زگای هه‌ڵبژاردنی یه‌كێتی نیشتمانی كوردستان به‌سه‌رۆكایه‌تی شۆرش ئیسماعیل ئه‌ندامی مه‌كته‌بی سیاسی له‌ساڵیادی هه‌ڵبژاردنه‌كانی په‌رله‌مانی عیراق و ئه‌نجومه‌نی پارێزگاكان سه‌ردانی مه‌ڵبه‌ندی رێكخستنی هه‌ولێریان كردوو له‌لایه‌ن رزگار عه‌لی به‌پرسی مه‌ڵبه‌ندو ئه‌ندامانی مه‌كته‌ب سیاسی پێشوازیان لێكرا.

هه‌ر له‌سه‌ردانه‌كه‌دا خه‌ڵاتی رێزلێنان به‌خشرایه‌ كادرو لایه‌نگره‌ دڵسۆز و به‌ئه‌مه‌كه‌كانی سنوری مه‌ڵبه‌ندی رێكخستنی هه‌ولێر بۆ ئه‌و و ماندووبون و شه‌ونخونییه‌یان كه‌ بووه‌ هۆی سه‌ركه‌وتنێكی گه‌وره‌ی یه‌كێتیی نیشتمانی كوردستان له‌ هه‌ڵبژاردنه‌كه‌دا.

PUKmedia تایبه‌ت