riklam

هه‌ڵه‌بجه‌.. رۆژی به‌ركه‌وتوانی چه‌كی كیمیاوی به‌رز راده‌گیرێت

جینۆساید‌‌ 04:25 PM - 2015-04-29
رۆژی به‌ركه‌وتوانی چه‌كی كیمیاوی

رۆژی به‌ركه‌وتوانی چه‌كی كیمیاوی

ئه‌مڕۆ 29-4-2015 به‌ ئاماده‌بوونی ژماره‌یه‌ك له‌ قوریانیانی چه‌كی كیمیاوی و ده‌زگای ژیان بۆ مافه‌كانی مرۆڤ و كومه‌ڵه‌ی قوربانیانی كیمیبارانی هه‌ڵه‌بجه‌ رۆژی به‌ركه‌وتوانی چه‌كی كیمیاوی له‌ جیهاندا و له‌پارێزگای هه‌ڵه‌بجه‌ به‌رز راگرت و قوربانیانی ئه‌و چه‌كه‌ش داوا كاربوون په‌له‌ بكرێت له‌ كردنه‌وه‌ی نه‌خۆشخانه‌ی چاره‌سه‌ركردنی به‌ركه‌وتوانی چه‌كی كیمیاوی هه‌ڵه‌بجه‌.

د. ئازاد مسته‌فا به‌ڕێوبه‌ری بنكه‌ی هه‌ڵه‌بجه‌ی ده‌زگای ژیان به‌ PUKmedia ی راگه‌یاند: ئه‌گه‌رچی ئه‌مڕۆ رۆژی به‌ركه‌وتوانی چه‌كی كیمیاوی بوو له‌ جیهاندا، به‌ڵام زۆرینه‌ی قوربانییه‌كان بێ ئاگا بوون له‌م رۆژه‌ وه‌ك ده‌زگای ژیان به‌ ئه‌ركی خۆمان زانی له‌نزیكه‌وه‌ گفتوگۆ بكه‌ین له‌گه‌ڵ براینداره‌كاندا و پێشنیازو رای ئه‌وان وه‌ربگرین له‌سه‌ر ئه‌م رۆژه‌.

لوقمان عه‌بدولقادر سه‌رۆكی كۆمه‌ڵه‌ی قوربانیانی كیمیبارانی هه‌ڵه‌بجه‌ به‌ PUKmedia ی راگه‌یاند: ئێمه‌ وه‌ك به‌ركه‌وتوانی چه‌كی كیمیاوی دوا له‌سه‌رۆكایه‌تی ئه‌نجومه‌نی وه‌زیران ده‌كه‌ین، په‌له‌ بكات له‌ كردنه‌وه‌ی ئه‌و نه‌خۆشخانه‌یه‌ و كه‌یسی برینداران له‌ وه‌زاره‌تی شه‌هیدانه‌وه‌ بگوازێته‌وه‌ بۆ وه‌زاره‌تی ته‌ندروستی بۆ ئه‌وه‌ی زووتر برینداران چاره‌سه‌ر بكرێن.


د. هونه‌ر جه‌عفه‌ر به‌ڕێوبه‌ری گشتی ته‌ندروستی شاره‌زووریش رایگه‌یاند: ئه‌گه‌رچی ده‌بوو له‌ ماوه‌یه‌كی زۆر پێشتر ته‌واو بكرایه‌ نه‌خۆشخانه‌كه‌، به‌ڵام به‌هۆی قه‌یرانی داراییه‌وه‌ كردنه‌وه‌ی دواكه‌تووه‌ و له‌ ئێستادا به‌پێی دوا قسه‌كردن له‌گه‌ڵ ئه‌نجومه‌نی وه‌زیران بڕیار دراوه‌ به‌ زووترین كات ته‌واو بكرێت.

وتیشی: پیشنیازمان كردوه‌ ژماره‌یه‌ك له‌ كه‌سو كاری ئه‌و بریندارانه‌ له‌و نه‌خۆشخانه‌ دابمه‌زرێن و تیمێكی پسپۆر به‌ گرێبه‌ست له‌ده‌ره‌وه‌ له‌ بواری چه‌كی كیمیاوی دا بهێنرێنه‌ ئه‌و نه‌خۆشخانه‌یه‌

نه‌ته‌وه‌یه‌كگرتووه‌كان 29-4 ی هه‌موو ساڵێكیان تایبه‌ت كردوه‌ به‌ به‌ركه‌وتوانی چه‌كی كیمیاوی و ساڵانه‌ش به‌ركه‌وتوانی ئه‌و چه‌كه‌ ئه‌و رۆژه‌ به‌رز راده‌گرن و گرفته‌كانیان تاوتوێ ده‌كه‌ن.

PUKmedia فه‌رحان حه‌مه‌خان-هه‌ڵه‌بجه‌

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket