riklam

ژنێك دیاری بكرێت بۆ پۆستی ئه‌مینداری گشتی نه‌ته‌وه‌ یه‌كگرتووه‌كان

ژنان‌ 01:50 PM - 2015-04-27
هه‌ست و به‌رپرسیاریه‌تی ژنان تاقیبكرێته‌وه‌

هه‌ست و به‌رپرسیاریه‌تی ژنان تاقیبكرێته‌وه‌

دوو نوسه‌ری به‌ناوبانگی جیهانی پێشنیاری كاندیدكردنی ژنێك بۆ پۆستی ئه‌مینداری گشتی نه‌ته‌وه‌ یه‌كگرتووه‌كان كردوه‌و پێیانوایه‌ كاتی ئه‌وه‌یه‌ كه‌ هه‌ست و به‌رپرسیاریه‌تی ژنانیش كاردانه‌وه‌یان به‌سه‌ر ئاشتی و پاراستنی به‌ها مرۆییه‌كاندا هه‌بێت. 

هه‌ردوو نوسه‌رو كه‌سایه‌تی جیلان سورنسین كه‌پێشتر به‌رپرس بووه‌ له‌نه‌ته‌وه‌یه‌كگرتووه‌كان و جین كراسنۆ وانه‌بێژ له‌زانكۆی پێگه‌یاندنی سه‌ركرده‌ جیهانیه‌كان له‌ نیۆرك له‌ وتارێكدا كه‌له‌ رۆژنامه‌ی واشنتۆن پۆست بڵاوكراوه‌ته‌وه‌ نوسیویانه‌: له‌سه‌روبه‌ندی نزیك بوونه‌وه‌ی كۆتایی هاتنی ماوه‌ی ده‌ستبه‌كاربوونی بانكی مۆن ئه‌مینداری گشتی نه‌ته‌وه‌ یه‌كگرتوه‌كان كه‌ كۆتاییه‌كانی ساڵی 2016 یه‌، چیتر كاتی ئه‌وه‌ هاتووه‌ ژنێك بۆ ئه‌و پۆسته‌ كاندیدبكرێت و ئه‌و به‌رپرسیاریه‌تیه‌ بگرێته‌ ئه‌ستۆ.

ئه‌و دوو نوسه‌ره‌ ئه‌وه‌شیان رونكردوه‌ته‌وه‌: له‌ماوه‌ی 70 ساڵی رابردووی دامه‌زراندنی نه‌ته‌وه‌یه‌كگرتووه‌كان تاكو ئێستا هه‌شت كه‌سایه‌تی  ئه‌و پۆسته‌ی گرتووه‌ته‌ ده‌ست، كه‌ هه‌موویان پیاوبوونه‌ و له‌وڵاتانی نه‌رویج، سوید، بۆرما، نه‌مسا، میسر و غانا و كۆربایی باشور، بۆیه‌ چیتر كاتی ئه‌زمونگه‌رایی ژنێكه‌ له‌و پۆسته‌داو پێویسته‌ كه‌سایه‌تیه‌ جیهانیه‌كان و وڵاتانی دیموكراسی خواز له‌سه‌ر ئه‌وه‌ بێنه‌ ده‌نگ و پشتیوانی ئه‌و پێشنیاره‌ بكه‌ن. 

جه‌ختیانیشكردوه‌ته‌وه‌: هه‌موو كه‌سێك ئامانجی خۆی هه‌یه‌، بێگومان هه‌ر ژنێكیش ئامانجی خۆی هه‌یه‌، بۆیه‌ جیهان پێمان ده‌ڵێت ئیتر كاتی ئه‌وه‌ هاتووه‌ هه‌ست وتوانا و ئه‌زمونگه‌رایی ژن بكه‌وێته‌ كارو پشتیوانی له‌ئاشتی و به‌ها مرۆییه‌كان بكات.

 

PUKmedia  و/ سامان یاروه‌یس 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket