خولێكی فریاگوزاری سه‌ره‌تایی ده‌كرێته‌وه‌

.

رۆژی 12-4-2015، رێكخراوی رێباز فاوه‌نده‌یشن، خولێكی فریاگوزاری سه‌ره‌تایی بۆ مامۆستایان و كارمه‌ندانی زانكۆی گه‌شه‌پێدانی مرۆیی له‌ شاری سلێمانی له‌ هۆڵی زانكۆی ناوبراو كرده‌وه‌.

خوله‌كه‌ له‌ ماوه‌ی 2 هه‌فته‌دا له‌لایه‌ن كه‌سانی پسپۆرِو شاره‌زا له‌ بواره‌كه‌دا ده‌وترێته‌وه‌ كه‌ تیایدا چه‌ندین زانیاری سه‌رده‌میان سه‌باره‌ت به‌ حاڵه‌ته‌ كتوپرِه‌كان و كاردانه‌وه‌ی دروستی ته‌ندروستی و فریاكه‌وتنی خێرا به‌ به‌شداربووان ده‌وترێته‌وه‌.

له‌و خوله‌دا زیاتر له‌ 50 مامۆستا و كارمه‌ندی به‌شه‌ جیاجیاكانی زانكۆی ناوبراو به‌شداربوون.

خوله‌كه‌ له‌سه‌ر داواكاری زانكۆی گه‌شه‌پێدانی مرۆیی كراوه‌ته‌وه‌و رۆژانه‌ خوله‌كه‌ بۆ ماوه‌ی 8 سه‌عات به‌ شێوه‌یه‌كی سه‌رده‌میانه‌ به‌رده‌وام ده‌بێت.

جێگه‌ی ئاماژه‌پێكردنه‌ له‌پاش ته‌واوكردنی خوله‌كه‌ به‌شداربوان بروانامه‌ی به‌شداریكردنیان پێده‌درێت.

PUKmedia   راگه‌یاندنی رێكخراوی رێباز فاوه‌نده‌یشن