كانتۆنی جزیرە سوپاسی هەڵوێست و پشتیوانیەكانی یەكێتی دەكات
ی.ن.ک 07:22 PM - 2015-03-29وەفدێكی كانتۆنی جزیرە لەسلێمانیە
ئەمڕۆ 2015/3/29 وەفدێكی كانتۆنی جەزیرە سەردانی ئەنجومەنی ناوەندیان كرد.
لەدیدارێكدا كە هەریەك لە زوبێر عوسمان و چێنەرعەلی جۆڵا جێگرانی سكرتێرو لەتیف نێروەیی بڕیاردەری ئەنجومەن و چەند ئەندامێكی ئەنجومەنی ناوەندی ئامادەی بوون، عادل موراد سكرتێری ئەنجومەن وێڕای بەخێرهاتنی وەفدی میوان باسی لەدواین پێشهاتەكانی هەرێمی كوردستان و عیراق و ناوچەكە كرد، بەگرنگیەوە باسی هەنگاوە دیموكراتی و دیپلۆماسیەكانی لەرۆژئاوای كوردستان كرد.
سكرتێری ئەنجومەنی ناوەندی پیرۆزبایی سەركەوتنی هەڵبژاردنی ئەنجومەنی شارەوانیەكانی لەرۆژئاوای كوردستان كردو ئاماژەی بەوەدا، سەركەوتنەكان لەڕووی ئەمنی و دیموكراسی و چەسپاندنی مافەكانی گەلی كورد لەرۆژئاوا، هۆكارێكی گرنگن بۆ پرۆسەی دیموكراسی لەپارچەكانی تری كوردستان.
عادل موراد بەگرنگیەوە باسی لەكرانەوەی دیپلۆماسی بەڕووی ناوچەكەو جیهان و ناساندنی دۆزی رەوای كورد لەرۆژئاوا كرد، ئەو قۆناغانەی كەپێیدا تێپەڕیون لەدامەزراندنی ئیدارەی خۆبەڕێوەبردن و ئەنجامدانی هەڵبژاردنی شارەوانیەكانیشی بەگرنگ وەسف كرد.
سكرتێری ئەنجومەنی ناوەندی پشتیوانی و پشتگیری یەكێتیی نیشتمانیی كوردستانیشی دووپاتكردەوە بۆ ئەو هەنگاوە دیموكراتیانەو بەهەموو شێوەیەك دەستێوەردان و دەستخستە ناو بارودۆخی سیاسی لەلایەن هەر هێزولایەن دەوڵەتێكەوە، بەمەبەستی گۆڕینی هاوكێشەی سیاسی لەرۆژئاوا رەتكردەوە وتیشی:گەلی كورد لەرۆژئاوای كوردستان ئازادن لەهەڵبژاردنی هەرهێزو لایەنێك كەبەشێوەیەكی دیموكراتیانە نوێنەرایەتیان بكات لەناوخۆو لەدەرەوەشدا.
داواشیكرد گفتوگۆكان لەنێوان هێزو پارتە سیاسیەكان لەرۆژئاوا بەئاڕاستەی لەبەرچاوگرتنی بەرژەوەندی باڵای گەلی كوردستان بێت و بەرژەوەندی هەموو پێكهاتە ئایینی و نەتەوەییەكان و قوربانیدانی هێزە سەرەكیەكان لەبەرچاوبگرێت.
لەلای خۆشیەوە، دكتۆر عەبدولكەریم عومەر وەزیرەی دەرەوەی كانتۆنی جەزیرە خوشحاڵی خۆی دەربڕی و سوپاسی هەڵوێست و پشتیوانیەكانی یەكێتیی نیشتمانیی كوردستان بەگشتی و ئەنجومەنی ناوەندی بەتایبەتی كرد لەئاستی هەموو پێشهاتەكاندا وتی:سەركەوتنی پرۆسەی دیموكراسی و ئەنجامدانی هەڵبژاردنی ئەنجومەنی شارەوانیەكان، رەنگدانەوەی ئەرێنی دەبێت لەسەر پارچەكانی تری كوردستان.
ئاماژەی بەوەدا، مەترسی داعش و ئەو سەركەوتنانەی بەسەر ئەو گروپە تیرۆرستیە بەدەستهات لەكۆبانی، شەنگال، كەركوك و بەرەكانی تر، هۆكارێكی گرنگ بوو بۆ یەكخستنەوەی ریزەكانی گەلی كورد.
وەزیری دەرەوەی كانتۆنی جەزیرە ئەوەشی خستەڕوو، ئەوان دەرگایان واڵایە لەبەردەم هەموو ئەو پارت و لایانانەی كە باوەڕیان بەخەباتی سیاسی و دیموكراسی هەیە لەرۆژئاوا، ئامادەی گفتوگۆی راستەقینەشن لەگەڵ ئەنجومەنی نیشتمانی كوردی سوریا، بەدەر لەهەر دەستێوەردان و خۆسەپاندنێك بەئاڕاستەی رێگریكردن لەكەلێن خستنە نێو پرۆسەی دیموكراسی لەرۆژئاوای كوردستان.
هاوكات، جێگرانی سكرتێری ئەنجومەن بیروبۆچونو تێڕوانینی خۆیان سەبارەت بەبارودۆخی ئێستای رۆژئاواو روانینیان بۆ پرسە گرنگەكان و شێوازی مامەڵكردن لە گەڵیاندا بەڕاشكاوانە دەربڕی.
PUKmedia
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25