هێزه‌ ئه‌منییه‌كان له‌ تكریت 26 داعش ده‌كوژن

چه‌ندین رێگای ستراتیجی كۆنتڕۆڵكراونه‌ته‌وه‌

وه‌زاره‌تی به‌رگری عیراق رایگه‌یاند: هێزه‌ ئه‌منییه‌كان له‌ هه‌ڵمه‌ته‌كانیاندا بۆسه‌ر كۆنتڕۆڵكردنه‌وه‌ی تكریت 26 تیرۆرستی داعشیان كوشتووه‌.

له‌ به‌یاننامه‌یه‌كی وه‌زاره‌تی به‌رگری عیراقدا ئه‌مڕۆ 29-3-2015، كه‌ كۆپیه‌كی ده‌ست PUKmedia كه‌تووه‌ تێیدا هاتووه‌، هێزه‌ ئه‌منییه‌كان به‌ هه‌ماهه‌نگی هێزه‌تایبه‌تییه‌كان و پۆلیس له‌ دوو میحوه‌ره‌وه‌ پێشڕه‌وییه‌كانیان به‌ ئاڕاسته‌ی شاری تكریت و باشوری رۆژئاوای شارۆچكه‌ی دیوم ده‌ست پێكردوه‌و توانیویانه‌ كۆنتڕۆڵی زۆربه‌ی رێگا سه‌ره‌كی و ستراتیجییه‌كانی ئه‌و ناوچانه‌ بكه‌ن.

هه‌رله‌و به‌یاننامه‌یه‌دا ئاماژه‌به‌وه‌دراوه‌، هه‌رله‌و هێرشانه‌دا بۆسه‌ر تیرۆرستانی داعش له‌ تكریت 26 تیرۆرستی داعش كوژراون چه‌ندین مۆڵگه‌و باره‌گای ئۆتۆمبێلی ئه‌و تیرۆرستانه‌ تێكشكێنراون.

PUKmedia